Almatyda eki kólik júrip kele jatqan poıyzdyń jolynda qalyp qoıdy, zardap shekkender bar dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

Birinshi jol apaty jeksenbi kúni keshke Bekmahanov kóshesinde Súıinbaı kóshesine jetpeı bolǵan. Lada Priora Bekmahanov kóshesimen shyǵys baǵytta ketip bara jatyp, jol keptelisine tap bolady. Kólik temir joldan óte bergende, poıyz qaǵyp ketti.

Oqıǵa saldarynan Lada kóliginde otyrǵan jolaýshy áıel zardap shegip, biraq alǵashqy kómek alǵan soń aýrýhanaǵa jatýdan bas tartty.

Ekinshi jol apaty Lavrenev kóshesinde "Juldyz" shaǵyn aýdanyna burylar jerden tómenirek bolǵan. Kýágerlerdiń aıtýynsha, karsherıng qyzmetine tıesili Volkswagen Polo Lavrenev kóshesimen soltústik baǵytta ketip bara jatqanda, júrgizýshi kenet qarsy betke shyǵyp, qatty jyldamdyqpen kele jatqan Mercedes E kóligimen betpe-bet soqtyǵysady.

Joıqyn soqqydan Mercedes qarsy bette birneshe júz metr júrip ótip, aleıadan asyp, poıyz júrip kele jatqan temir jol ústinde bir-aq toqtady.