Shymkenttegi «Green Bus Company» avtoparki balalar úshin arnaıy aksıa uıymdastyrdy. Kompanıa basshylyǵy kishkentaı jolaýshylarǵa túrli tosynsyılar uıymdastyrypty. Kóńildi kólikke mingen barsha bala keremet merekelik sharanyń kýágeri boldy.

«Azıa -Holod» kompanıasynyń mamandary balmuzdaqtary men áýe sharlaryn usyndy. Mundaı merekelik syı-tartý «Green Bus Company» avtoparkiniń kishkentaı jolaýshylary úshin jasaldy. Bul tosynsyıdyń bóligi ǵana, mereke keıipkerlerin ertegidegi perishte quttyqtap júr.  

Bakytjan Rysbaev, «Green Bus Company» JSHS dırektorynyń orynbasary: «Balalar — bizdiń bolashaǵymyz. Sondyqtan olarǵa durys baǵdar berý mindetimiz dep bilemin. Meniń oıymsha, balalar úshin basty tartý — bizdiń erekshe nazarymyz ben qanatymyzǵa alý».

Balalarǵa syılyqtar taratý sharasy munymen shektelgen joq. «Green Bus Company» avtoparkiniń ókilderi shaharamyzdyń kóshelerine shyǵyp, táttiler men balmuzdaqtardy taratty. Al biz balalardyń júzderi qýanyshtan bal-bul jaınaǵanyna kýá boldyq.

Merekelik is-shara bala kóńildiń qurmetine kúni boıy jalǵasty. Al «Green Bus» kompanıasynyń ujymy aldaǵy kúnderi de búldirshinderge qýanysh syılaıtyn aksıalardy qolǵa alamyz dep ýáde berdi.