Shymkent qalalyq jol-patrýldik polısıa tobynyń qyzmetkerleri joǵalǵan 5 jasar balany anasyna taýyp berdi. 2015 jyldyń 23 maýsymy túngi saǵat 22:00 der shamasynda «102» telefonyna jergilikti turǵyn habarlasyp, balasynyń joǵalǵanyn aıtqan.
Shymkent qalasyndaǵy «Táýelsizdik saıabaǵynda» tórt birdeı balasymen serýendep júrgen ana aıaq astynan 5 jasar ulynyń joq ekenin baıqaıdy. Ózdiginen taba almaǵan soń jaqyn mańdaǵy ýchaskelik tirek pýnktine baryp, polısıa qyzmetkerlerine balasynyń joǵalǵanyn habarlaǵan. Tártip saqshylary rasıamen sol mańdaǵy barlyq beketterge balanyń aıryqsha belgilerin atap habarlaıdy. Arada kóp ýaqyt ótpesten Shámshi álemi gúlzary mańynan jol-patrýldik polısıa tobynyń qyzmetkerleri jalǵyz júrgen balany kórip, toqtatady.
Surastyrý barysynda jas bala ata-anasynan kóz jazyp qalyp, adasyp ketkenin aıtady. Qaı jaqtan keldiń degende, saıabaq jaqty kórsetedi. Polısıa qyzmetkerleri izdestirilip jatqan sábıdiń aıryqsha belgilerine uqsastyǵyn baıqap, joǵalǵan bala ekenin anyqtaıdy. Osylaısha jedel qımyldaǵan polısıa qyzmetkerleri oqıǵanyń sátti aıaqtalǵanyna sep boldy. Al jas kelinshek tártip saqshylaryna alǵysyn bildirdi.
