Osyǵan deıin tek jaǵymsyz beınesimen  tanylyp kelgen reseılik saıasatker, RLDP jetekshisi Vladımır Jırırnovskııdiń Qazaqstan terıtorıasyna qatysty  keshegi málemdemesi qazaqstandyq BAQ-ta qyzý talqyǵa túsken bolatyn. Bul týraly «Qamshy» portalynda jarıalaǵan bolatynbyz.   Dýma depýtatynyń tosyn baıandamasy ádettegideı,  qur aıqaı, jalań hám jalǵan sandyraq emes, naqty faktilerge súıene otyryp, reseılikterdiń qazaq jeri kóz alartyp otyrmaǵanyn jetkizgen esti áńgime bolǵan. Jırınovskıı óz kózqarasyn, ustanymyn 180 gradýsqa ózgertkenine  kóbimizdiń sengimiz joq, árıne.  Vladımır Volfovıchti qazaqstandyqtar jek kóretini de jasyryn emes. Endi Jırınovskıı tek  Qazaqstanda ǵana emes, Reseıde de jaǵymsyz saıası keıipkerge aınaldy.

Reseılik telearnaladyń birinde, tikeleı efırden Vladımır Jırınovskıı tosyn málimdeme jasady. Ol qazir Donbassta soǵysyp júrgen reseılikter sonda «ólýleri» kerek, olar soǵystan soń Reseıge keletin bolsa, bizdiń eldegi «qylmyskerlerdiń» sany artyp ketýi múmkin dep otyr.

Vladımır Jırınovskıı,  reseılik saıasatker:

-Soǵys bir kúni aıaqtalady.  Ol máńgi emes. Al maıdannan oralǵandar aqyryndap, qylmysqa shatyla bastaıdy. Krımınaldy ortalarǵa qyzmet ete bastaıdy. Mine, sondyqtan da Ýkraınanyń Donbassynda  soǵysyp júrgen  reseılikter sol jerde erlikpen qaza tabýlary kerek.  Soǵystan oralǵan kez kelgen er azamat biri jaraly, biri yzaly, biri dosynan aıyrylǵan, endi biri jaqynyn jerlep keldi. Olar qyp-qyzyl qan kórgender. Olar  osyndaı taýqymetten ótkender, tynysh, beıbit ómirge birden úırenisip kete almaıdy. Kúnderdiń kúni qolyna qarý alady. Sondyqtan da, Vashıngton, Brússel, Kıev jáne Máskeý úshin soǵystyń jalǵasqany tıimdi. Adamdardyń bir-birlerin qyrǵany tıimdi.

Nurzat Toǵjan