«Bıylǵy jyly Mańǵystaý oblysynda apatty mektepter máselesi tolyq sheshiledi. 2015 jyly Jetibaı jáne Qulandy aýyldarynda eki mektep salynady. Sol arqyly bizdegi barlyq apatty mektepter joıylady. Oblysta úsh aýysymmen oqýǵa jol bermeý úshin qazir biz alǵa ozyp otyrmyz. Bıylǵy jyly Aqshuńqyr aýylynda 960 oryndyq mektepti paıdalanýǵa berdik, Fort-SHevchenko qalasynda 550 orynǵa, Atamekende 1200 orynǵa arnalǵan mektepti berý josparlanyp otyr. Osy qurylystardyń barlyǵyn esepke ala otyryp, oblysta úsh aýysymmen oqý endi bolmaıtynyn shamalap otyrmyz», - dep baıandady Mańǵystaý oblysy ákiminiń orynbasary. Onyń aıtýynsha, jyl basynan beri oblystaǵy turǵyndar sany 3,2 paıyzǵa ósken. «Búginde Mańǵystaýda 613 myń adam turyp jatyr. Eger ótken jylmen salystyratyn bolsaq, 2014 jyly bul kórsetkish 594 myń adamdy quraǵan. Aımaǵymyz halyq sanynyń ósý qarqyny boıynsha Almaty qalasynan keıin ekinshi orynda tur. Birinshi kezekte, buǵan bala týýdyń joǵary qarqyny septigin tıgizip otyr. Bala týý qarqyny boıynsha bizdiń aımaǵymyz respýblıkanyń barlyq aımaqtarynyń ishinde birinshi orynda tur», - dep habarlady Sholpan İlmuhanbetova.