№13 saılaý ýchaskesiniń de­pýtaty Tabyldy Ámirov tóra­ǵa­lyq etken sesıa jumysyna ob­lys ákimi Alık Aıdarbaev, oblys ákiminiń orynbasarlary, qala, aý­­dan ákimderi, departament jáne bas­qarma basshylary qatysty. Aldymen «2015-2017 jyl­dar­ǵa arnalǵan oblys búdjeti tý­raly» sheshimine ózgerister men tolyqtyrýlar engizý jóninde ob­lys ákiminiń orynbasary Sh.Il­muhanbetova baıandama ja­sady. «2015 jyldyń 1 maýsymyna deıin naqtylanǵan oblys búd­jeti 155,2 mlrd. teńgeni qu­raıdy. Jergilikti búdjettiń oryn­dalýy men búd­jettik qa­ra­jattyń ıgerilýine taldaý ja­saý nátıjesinde 6 mlrd. teńge qosymsha alyndy. Qazirgi tańda naqtylanǵan oblys búdjeti 161,2 mlrd.teńgeni quraıdy» dedi ol. Oblystyń úsh jyldyq búd­je­tin bekitý barysynda baǵ­darlama ákimshileriniń usy­nys­­taryn negizge ala otyryp  búd­jettik qarajat mańyzdy jo­­balardy júzege asy­rýǵa ba­ǵyt­talady. Turǵyn úı-kom­mý­nal­dyq sharýashylyǵy, sý­men qam­­tamasyz etý jáne kólik ın­fra­qurylymy salalaryn damy­týǵa  ba­symdyq  beriledi. «Bıyl «Aq bulaq» baǵdarlama­syn júzege asyrýǵa 401 mln. teń­ge bólindi. «Qoljetimdi turǵyn úı-2020» baǵdarlamasyna 1 mlrd. teńge, kólik ınfraqurylymyn sa­lýǵa 673 mln. teńge, turǵyn úı-kommýnaldyq sharýashylyǵyn mo­­­der­nızasıalaýǵa 383 mln. teń­ge baǵyttaldy» dedi Sh.Il­mu­han­be­tova. Oblystyq máslıhattyń depý­­tattyq korpýsy 2015-2017jyl­darǵa arnalǵan jergilikti búd­jettiń oryndalýy men ıge­rilýine  taldaý jasaý nátı­jesinde  bekitilgen oblys búdje­tine engizilgen ózgeristerdi biraýyz­dan maquldady. Sonymen qatar sesıa qaraýy­na engizilgen óńirdiń damýyna úles qos­qan túrli uıymdar men ká­­sip­oryndar qyzmetkerlerin Mań­ǵystaý oblysynyń Qurmet gramo­tasymen marapattaý usynysy da­ýysqa salynyp, depýtattar tarapynan qoldaý tapty. Oblystyq máslıhattyń kezekten tys jıyrma altynshy sesıa ju­mysyn oblys ákimi A.Aıdarbaev qorytyndylady. «Aǵymdaǵy jyldyń bes aıynda  oblystyń áleýmettik-ekonomıka­lyq damýynyń qorytyndy mak­roekonomıkalyq kórsetkishteri ór­­leý sıpatymen serpindi damý­da. 2015 jyldyń qańtar-mamyr aı­larynda óńirdiń óndiristik ká­siporyndary 647,8 mlrd. teńge somasyna taýar óndirdi. 2014 jylmen salys­tyr­ǵanda munaı óndirý kólemi 1,3%-ǵa artqan. Tabıǵı gaz óndirisi 14,4 %-ǵa ulǵaıyp, 980,2 mln. kýb. metrdi qurady. Munaı­gaz sek­toryndaǵy kásip­oryn­dardy qol­daý maqsatynda oblys ákimdigi aǵym­daǵy jyl­dyń sáýir aıynda mu­naı kompa­nıala­ryna salyqtyq sal­maqty–eksporttyq kedendik baj saly­­ǵynyń mólsherlemesin nólge de­ıin tómendetýdi usyndy» dedi ob­lys ákimi. Oblys ákiminiń málimdeýinshe, ındýstrıalandyrýdyń ekinshi bes­jyldyǵynda alpystan asa joba júzege asady dep josparlanǵan. Onyń 14-i 2015 jyly iske qo­sylady. «Aımaqtardy damytý» Mem­lekettik baǵdarlamasy aıasynda ınjenerlik-kommýnıkasıalyq ınfraqurylymdy, energetıkalyq  júıelerdi, bilim berý nysandaryn, densaýlyq saqtaý, komýnaldyq sha­rýashylyq salasyn, turǵyn-úı qoryn jańǵyrtýǵa basymdyq berilmek. «Az qamtylǵan jáne jas ot­basylarǵa, memleket jáne jeke ınvestorlar qarjylandyratyn mekemeler qyzmetkerlerine arnalǵan turǵyn úı qurylysynyń joǵary qarqyny áleýmettik turaqtylyqty qalyptastyrmaq. Osy maqsatqa arnap 2014 jyly 26 mlrd. teńgeden astam qarjy jumsaldy. Onyń ishinde 13 mlrd. teńgege jýyǵy bul  memlekettik ınvestısıalar. 2015 jyly qarajat kólemi 29 mlrd. teńgeden asyp tústi. Bıyl densaýlyq saqtaý jáne áleýmettik sala nysandaryna, mektepke de­ıingi balalarǵa arnalǵan meke­meler men orta mektepterge res­­pýblıkalyq jáne jergilikti búd­­jetten 18,8 mlrd. teńgeden as­tam qarajat bólý josparlanýda» dedi aımaq basshysy. Búdjettik qarajattyń ul­­ǵaıýy­na baılanysty  uzaq merzimdi jobalardy qaıta jańartýǵa múmkindik týdy. Olardyń qatarynda Aqtaý qalasyndaǵy onkologıalyq dıspanser, Jańaózen qalasyndaǵy terapevtik ortalyq bar. Sonymen qatar, Kaspıı jaǵalaýyndaǵy tenıs ortalyǵy qurylysy jandanady. «Aýdandarda aýylaralyq joldar salý jumysy jalǵasady. Bıyl Qyzyltóbe aýylynan bastaǵaly otyrmyz. Avtojoldardy salýǵa jáne jańǵyrtýǵa naqty qarajat bólindi» dedi A.Aıdarbaev. Mektepke deıingi balalarǵa arnalǵan mekemelerdi qaıtarý jáne salýǵa asa mán berilip otyr. Bıyl Aqtaý qalasyndaǵy 4 balabaqshadan 1280 oryn berilmek. «Halyqty jumyspen qamtý máselesi qolǵa alyndy.  Aǵymdaǵy jyldyń 5 aıy ishinde  oblysta 8944 jumys orny quryldy. «Jastar tájirıbesi» baǵdarlamasy boıynsha birtalaı jumys atqarylýda. Sońǵy 5 aı ishinde jastardyń  jumyssyzdyq deńgeıi 6,8%-dan 3,8%-ǵa tómendedi. Jumyssyz azamattarǵa qoǵamdyq jumystarǵa joldama berý júzege asýda. Búgingi tańda óńirdegi jumyssyzdyq deńgeıi 52%-dy quraıdy. Bul 2014 jylmen salystyrǵanda 0,2%-ǵa tómen» dedi óńir basshysy. Sonymen qatar, bıyl birneshe mańyzdy áleýmettik jobalar NCOC kompanıasynyń qaıyrymdylyq baǵdarlamasy bo­ıynsha qarjylandyrylmaq. «Bes jyl boıy NCOC kompanıasy oblysta áleýmettik baǵ­darlamalardy júzege asyrýǵa 25 mln. AQSH dollaryn nemese 4,6 mlrd. teńge qarajat jumsady. Bıyl, Aqtaý qalasyndaǵy «Jas­tar úıi», «Dostyq úıi» men Qu­ryq aýylyndaǵy 500 oryndyq jataqhana, Rahat, Teńge aýyl­da­ryndaǵy sporttyq keshender atalmysh kompanıanyń qaıy­rym­dylyq qarajatymen boı kóter­mek» dedi. Sesıa jumysyn  qorytyndylaı kele oblysy ákimi depýtattarǵa  belsendi qyzmeti úshin alǵysyn bildirdi. V saılanǵan Mańǵystaý oblys­tyq máslıhatynyń  jıyrma jetinshi sesıanyń tóraǵasy bolyp №2 saılaý ýchaskesiniń depýtaty Álı Sahımov saılandy.