«Ótken jyldyń qorytyndysy boıynsha kóshpeli týrızm óńirde 2013 jyldyń derekterimen salystyrǵanda, 102,4 paıyzǵa ósti. Bul 30 myńǵa jýyq adam», - dep atap ótti ol. Kendirli kýrortyn damytýǵa qatysty aıtar bolsaq, kelissózder úsh iri ınvestorlarmen júrgizilip jatqany naqtylandy. «QR Investısıa jáne damý mınıstrligi «Samuryq-Qazyna» Ulttyq ál-aýqat qory» AQ-men birlesip, múddeli ınvestorlar men developerlermen qosa, Mańǵystaý oblysy ákimdigimen kelissózder júrgizýde. Áńgime úsh iri ınvestorlar jaıynda: 1500 oryndyq eki qonaqúı salý máselesi boıynsha «RixosGroup» kompanıasymen, «Kendirli» áýejaıyn qosqanda, syrtqy ınfraqurylymdardy salý máselesi boıynsha «CITIC Group» ınvestorlyq kompanıasy; barsha kýrortty damytý men basqarýǵa múddeli mysyrlyq «ORASCOM» kompanıasy», - dep habarlady Gúljan Baıjaýynova. Kompanıanyń árqaısysy, onyń aıtýynsha, jobalardy memlekettik qoldaý boıynsha birqatar sharttar qoıýda.