Mańǵystaý oblysynda negizgi týrısik nysandardy qajetti ınfraqurylym men kóliktik qoljetimdilikpen qamtamasyz etý úshin elektr tasymaldaý jelilerin, sýmen jabdyqtaý jáne sýdy burý júıelerin salý, joldardy qalpyna keltirý boıynsha tehnıkalyq-ekonomıkalyq negizdeme men jobalyq-smetalyq qujattamany ázirlep jatyr.

Jumystar aımaqtyń týrısik nysandarynyń kóliktik qoljetimdiligi men ınjenerlik ınfraqurylymyn qamtamasyz etý josparyna sáıkes júrgizilýde. Bul týraly Mańǵystaý oblysy týrızm basqarmasynyń bastyǵy Gúljan Baıjaýynova habarlady.

«Birinshi kezekte, komýnıkasıalyq júıeler Kaspıı teńiziniń Aqtaý qalasy jaǵalaýyndaǵy jaǵajaı týrızmi jáne oıyn-saýyq ındýstrıasyn damytý aýdandarynda kerek», - dep habarlady G.Baıjaýynova. Onyń aıtýynsha, oblys ákimi Alık Aıdarbaev Aqtaý qalasynyń ákimdigine Aqtaýdaǵy demalys bazalary, jaǵalaý boıynsha qajetti ınfraqurylymdy (elektrmen qamtý, sýmen qamtý, jol, gazben qamtý jáne káriz) salýǵa TEN men JSQ-ny ázirleýdi tapsyrǵan. «2015 jylǵy jergilikti búdjetti naqtylaý kezinde Ómirzaq aýylynan bastap demalys bazalaryna deıin 6 mln. teńge somasyna joldar salý usynysy engizilgen. Aǵymdaǵy jóndeý jumystary aıaqtalyp qaldy, biraq biz joldy odan da jaqsy etkimiz keledi. Bergen ótinimimiz bekitildi», - dep baıandady Mańǵystaý oblysy týrızm basqarmasynyń bastyǵy.