Búgin Aqtaýda Qazaqstan Respýblıkasy Konstıtýsıasynyń 20 jyldyǵyna oraı memlekettik qyzmetkerler arasyndaǵy «Sport - densaýlyq kepili» qalalyq İİ Spartakıadasynyń voleıbol baǵdarlamasy boıynsha áıelder arasynda jarys ótti, dep habarlady qalalyq ákimdiktiń baspasóz qyzmetinen.
Atalǵan jarysqa 4 memlekettik mekemeden 48 sportshy qatysty. Tartysty ótken kezdesýler nátıjesinde İ oryndy Mańǵystaý oblystyq memlekettik kirister departamenti ıelendi. Aqtyq synda qarsylastaryna ese jibergen Mańǵystaý oblysynyń ákimdigi júldeli İİ oryndy qanaǵat tutty. Jarystyń úshinshi oryn ıegeri - Aqtaý qalasy ákimdiginiń quramasy. Jeńimpazdar dárejeli dıplomdar jáne medaldarmen marapattaldy.
