Qazaqstannyń qýat kózi naryǵyndaǵy múmkindigi óte mol. Tabıǵı shıkizat pen munaı jáne elektr qýatyn óndirý sońǵy jyldary qarqyn ala bastady. Munyń paıdasy bar. Qarjy kóziniń barlyǵy Qazaqstannyń qazynasyna túsedi.

Sońǵy kezde Qazaqstan enerıa kózderin óndirýdiń jolyn tapty. Tipti ony kórshi eldiń naryǵyna qaraı eksporttaıtyn boldy. Atap aıtar bolsaq, elimizdiń qýat kózderin kórshi eldiń naryǵyna tasymaldaý qarqyn aldy. Shilde aıynyń basynan bastap, Qazaqstannyń elektr energıasy Ózbekstan naryǵyna jetkizile bastady. Anyǵyn aıtý kerek, bul óte qýanyshty jaǵdaı. Sondaı-aq bul másele eki eldiiń ekonomıkasyn damytýǵa qatysty aldyn ala jasalyp otyrǵan kelisimge sáıkes júzege asyrylyp otyr. Eki taraptyń aldyn ala jasaǵan kelisimine baılanysty Ózbekstan naryǵyna 1 mıllıard kvt/saǵattan astam elektr qýaty eksporttalady. Shilde aıynan bastap, qazirdiń ózinde 145 mıllıon kvt/ saǵ. ózbek naryǵyna jetkizilgen.

Árıne, munyń barlyǵy ekonomıkanyń damýy úshin úlken qajettilik. Anyǵyn aıtý kerek, qazirgi ýaqytta bizdiń respýblıka naryǵynda elektr qýatyna nemese energıa kózin óndirýde tapshylyq  sezilip otyrǵan joq. Sondyqtan da osy múmkindikti paıdalanyp, qýat kózin óndiretin kásiporyndar paıda tabýy kerek. Munyń qajettiligi de bar. Óıtkeni Qazaqstannyń enerıa kózin óndiretin elektr stansalaryn jańǵyrtý qajet, keıbir elektr stansalaryn rekonstrýksıalaý jumystary da bar. Sonymen qatar, qyzmet sapasyn arttyrý, naryqty keńeıtý turǵysynda atqarylyp jatqan bul sharalardyń tıimdiligi óte úlken. Demek, elektr energıasyn jetkizý nemese eksporttaý turǵysyndaǵy bul qadam eki eldiń yntymaqtastyǵyn damytýda úlken ról atqarady dep senemiz.