Aımaq basshysy jumys sapary barysynda Maıkómgen aýylyna baryp, "Igilik" baǵdarlamasy aıasynda salynǵan eki nysandy aralady. Olar – 100 orynǵa arnalǵan "Báısheshek" balabaqshasy jáne syıymdylyǵy 270 adamdyq, aýdany 740 sharshy metr dene shynyqtyrý-saýyqtyrý kesheni.

Sonymen qatar, oblys ákimi aýdan ortalyǵyndaǵy kóshelerdiń jaryqtandyrylýy men jol qurylysymen tanysty.

2019 jyly Jylyoı aýdanynda uzyndyǵy 22 km 36 kóshege asfált tóseledi, MJÁ aıasynda uzyndyǵy 80 shaqyrym bolatyn 118 kóshe jaryqtandyrylady.

Nurlan Noǵaev Qulsary qalasyndaǵy 100 páterlik 3 kópqabatty turǵyn úıdiń qurylysyn tekserdi. Bolashaqta bul jerde úı kezeginde turǵandarǵa arnalǵan árqaısysy 100 páterlik 12 turǵyn úıden turatyn keshen boı kóteredi.

– Infraqurylym júrgizý jumystary eldimekenniń damý josparyna sáıkes úzilissiz jasalýy kerek, – dedi Qulsary qalasy turǵyndarymen kezdesken Nurlan Noǵaev. – Bir jelini saqtaı otyryp áreket etsek qana Qulsaryny abattandyrý boıynsha belgilengen josparlardy tolyq iske asyra alamyz. Bul kóp eńbekti, ýaqytty talap etetin jumys, soǵan qaramastan oń nátıjeler bar.

Jumys saparynyń qorytyndysy boıynsha aımaq basshysy Jylyoı aýdanynyń áleýmettik-ekonomıkalyq damýyna qatysty naqty tapsyrmalar berdi.