Jýyrda oblystyq jastar saıasaty máseleleri basqarmasynyń uıymdastyrýymen Tuńǵysh Prezıdentimiz N.Á.Nazarbaevtyń «Bolashaqqa baǵdar: rýhanı jańǵyrý» atty maqalasy aıasynda oblys jastary arasyndaǵy «Áýlıeata jaýharlary» atty tarıhı-tanymdyq ekspedısıasy ótti dep jazady Qamshy.kz aqparat agenttigi.

Maqsaty ár aýdandarda qurylǵan arnaıy ekspedısıalyq top basqa aýdandarǵa baryp, sol óńirdiń tarıhı-mádenı eskertkishterimen, mádenıetimen, qolónershilerimen, tarıhta esimi qalǵan uly tulǵalarymen tanysý edi.

Baızaq aýdanyna Moıynqum aýdanynyń jastarynan quralǵan top sapar shegip, aýdanda ózderiniń ekspedısıasyn bastady. Aýdan jastaryn oblystyq tarıhı-mádenı eskertkishterdi qorǵaý dıreksıasy dırektorynyń orynbasary Saýran Qalıev pen aýdandyq tarıhı-ólketaný mýzeıiniń ǵylymı qyzmetkeri Aınagúl Mamytbekovalar belgilengen keste boıynsha, aralatyp tanystyrdy.

Ekskýrsıanyń birinshi kúni aýdandyq murajaıda bolǵan ekspedısıalyq top murajaıdaǵy tarıhı eksponattardy tamashalap, Baızaq aýdanynyń qurylý tarıhymen tanysyp, dańq, tarıh, arheologıa, mádenıet, óner jáne sport, etnografıa zaldaryn aralady. Odan keıin Qarasaı shatqalyndaǵy petroglıfteri qola erte temir dáýirinde úlken tastardyń betine kólemi ártúrli qos órkeshti túıeler, taý eshkileri, buǵylar jeke-dara kórsetilse, endi bir jerlerde jaıylyp júrgen taý eshkileri belgilengen beınelerdi óz kózderimen kórip, ary qaraı Baızaq batyr Mámbetuly kesenesine minájat etti.

Uly Jibek jolynyń boıynda Botamoınaq aýyldyq okrýginde ornalasqan Qostóbe qalashyǵynyń tarıhymen tanysyp, ary qaraı Túımekent qalashyǵynda jalǵasyn tapty. «Túımekent» ataýy – Túıme qyzdyń atynan berilgen qala bolǵan, el aýzynda saqtalǵan ańyz boıynsha bul qalada hannyń Túıme atty qyzy bolǵan eken. Qalanyń syrty qamalmen qorshalyp, bekitilgen desedi. Kúnderdiń bir kúni jaý batyrynyń kózi Túıme qyzǵa túsip, ákesine qudalyqqa elshi jiberedi. Alaıda qyzy men ákesi kónbeıdi. Aqyry jaý Túıme qyzdyń qalasyn qulatady, biraq maqsatyna jete almaıdy. Túıme qyz qalasymen birge mert bolady.

Jastar barǵan kelesi nysan – ortalyq saıabaqtaǵy A.Sýhanbaev, Sarykemer aýylyna kireberistegi, Baızaq batyr Mámbetulynyń eskertkishteri boldy. «Ádemi» ulttyq kıimder sheberhanasyna baryp, er, áıel, jas balalar men qyzdarǵa ulttyq naqyshtaǵy shapan, kóılek tigetin sheberhana, jumysy jastardy qyzyqtyrmaı qoımady.

Ekskýrsıany qorytyndylaı kele Ál-Farabı atyndaǵy aýdandyq mádenıet úıiniń dırektory Amangeldi Tilepovpen kezdesip, aýdan jastary aýdannyń mádenıetimen tanysty. «Báıterek» balalar demalys ortalyǵynda Arys qalasynan kelgen balalarǵa arnalǵan merekelik is-sharaǵa Moıynqum komandasy shaqyrtý alyp, aýdanymyzdyń jas ánshileri Dúzelbaı Erkebulan men Aman Nazgúl ónerlerin kórsetip qaıtty.