Investısıa – kemel keleshektiń kepili ekeni daýsyz. Memleket basshysy Qasym-Jomart Toqaev ta el ekonomıkasyn damytýda ınvestorlardyń róli mańyzdy ekenin birinshi kúnnen aıtyp keledi. Al Jambyl oblysy ınvestor tartýdan qaı kezde de kóshten kesh qalǵan emes dep jazady Qamshy.kz aqparat agenttigi. Máselen Shý aýdanynda 2020 jyly iske asyrylatyn ınvestısıalyq jobalardyń tizbegi túzelip otyr.

1. Shý qalasy qant zaýyty móltek aýdany aımaǵynan «HOZÝ Agro Sıstem» JSHS-niń «Qant qyzylshasy men qant quraǵyn óńdeý, qant jáne lımon qyshqylyn shyǵarý» zaýytynyń jobasy. Jobanyń qýattylyǵy: kúnine 200 t. qant qyzylshasyn óńdeý. İske asyrylý merzimi: 2020-2021 jyldar. Jobanyń jalpy quny — 3 mlrd. 500 mln. teńge (80% sheteldik qatysýshy, 20% kompanıa tarapynan qarjylandyrylady). Joba júzege asqan jaǵdaıda 60 jańa jumys oryny ashylady dep kútilýde.

2. «Qazaqstan-Qytaı aýyl sharýashylyq ǵylymı-ınnovasıalyq parkiniń» ınovasıalyq tehnologıamen jabdyqtalǵan 5000 dana jylyjaı jobasy. Quny — 272 mlrd. teńge. (800 mln AQSH dollary) . Jylyjaı kún sáýlesinen (100 megavat) elektr energıasyn alady jáne atalǵan energıa kózimen jylytylatyn bolady. Jylyjaı kompleksi qurylysyn júrgizý jáne kún kózi (energıa) panelderin ornatý, aýyl sharýashylyǵy ónimderin óndirý, tuqym sharýashylyǵy jáne baq ósirýge «Dongchin Company» JSHS-ne Dalaqaınar aýylynyń jer qorynan 270,0 gektar jaıylymdyq jer ýchaskesi izdestirý jumystaryna berildi. Joba júzege asqan jaǵdaıda 38 jańa jumys oryny ashylady. İske asyrý merzimi: 2020-2022 jyldar. Aǵymdaǵy jyly qujattardy rásimdeý, izdestirý jáne uńǵylardy burǵylaý (býrenıe skvajın) jumystary júrgiziletin bolady.

2021-22 jyldary iske asyrylatyn ınvestısıalyq jobalar kelsek:

1. «Qyzylsha» JSHS-niń qant qyzylshasy zaýyty jobasy. Quny 80 mlrd teńgeni quraıdy. Kúnine 8000 t. qant qylshasyn qabyldap, jylyna 116 000 t. qant ónimin óndiredi dep josparlanýda. Joba iske qosylǵanda 300 adam jumyspen qamtylady. Qazirgi tańda qant qyzylshasyn sebýge 300 ga jeri daıyn. Ótken jyly 700 mln teńgege qajetti aýyl sharýashylyǵy tehnıkalary satylyp alyndy.

2. «KazWater Energy» JSHS-ne «Qazsýshar» sý qory» jerinen gıdroelektr stansıasynyń qurylysyn júrgizý úshin alańy 10,0 gektar jer ýchaskesi berildi. Qýattylyǵy 5 MVt, jobanyń quny — 1 mlrd 861 mln teńge. Joba iske qosylǵanda 19 adam jumyspen qamtylmaq.

Atalǵan jobalardyń jalpy quny 435 mlrd 397 mln teńgeni quraıdy. Jobalar iske qosylǵanda barlyǵy 309 adam jumyspen qamtylatyn bolady dep kútilýde.

Osy negizde bólshek saýda taýar aınalymy — 5040,8 mln. teńgeni qurap, naqty ındeks kólemi 110,0 paıyzǵa oryndaldy, 2018 jylmen salystyrǵanda 710,7 mln. teńgege artyp otyr.

Kóterme saýda aınalymynyń kólemi — 5431,4065,3 mln. teńge, naqty ındeks kólemi 205,9 paıyzǵa oryndaldy. 2018 jylmen salystyrǵanda 2935,7 mln. teńgege artyp otyr

Qarjy júrgen jerde qadaǵa qajet ekeni belgili. Elge kelip jatqan mol ınvestısıany endi tek el ıgiligine jaratýǵa qalyp otyr. Bul tusta shýlyqtardyń jobalary kópke úlgi.