Chempıonatttaǵy birinshi kúnniń qorytyndysy boıynsha alǵashqy kúmis pen qola medaldy Qazaqstannyń sportshylary jeńip aldy. Osylaısha, jerlesterimiz WordSkills Kazan 2019 chempıonatynda kásibı sheberlikterin kórsetip, pılotsyz rejımde avıasıalyq júıeni basqarýdyń joldaryn tapty. Respýblıkalyq qurama komandanyń 30 paıyzy Shyǵys Qazaqstan oblysynyń stýdentteri ekenin aıta ketken oryndy.

Osymen 45-shi ret uıymdastyrylyp otyrǵan WordSkills chempıonaty 2019 jyldyń 22 tamyzynda bastaldy. Basty maqsat – jumysshy mamandyqtarynyń tanymaldyǵyn arttyryp, jastardyń eńbek naryǵynda suranysqa ıe salalarǵa degen qyzyǵýshylyǵyn oıatý.

63 memleketten kelgen 1600-den astam qatysýshy "Qazan Ekspo" kesheniniń aýmaǵynda 56 quzirettilik boıynsha baq synaýda.

Búgin chempıonattyń alǵashqy kúniniń qorytyndysy shyǵaryldy. Asa tartysty dodada Qytaı, Reseı, Malaızıa, Fransıadan kelgen qatysýshylarmen qatar Óskemendeni elektrotehnıkalyq kolejdiń nebári 15 jastaǵy stýdenti Alı Áskerhanov ta bar. Ol Shyǵys Qazaqstan oblysynda pılotsyz avıasıalyq júıeni basqarýǵa bolatynyn dáleldeı aldy.

Chempıonattyń qorytyndysy 27 tamyzda shyǵarylady. Aldaǵy synda bizdiń balalar elektromontajdaý jumystary, mehatronıka, shashtarazdyq óner, meıramhana servısi, aspazdyq isi, kirpish qalaý, SAD ınjenerlik júıesi boıynsha jarysqa túsedi.