Semeıge "DESA" iri túrik konserniniń ókilderi keldi. Olar terini  qaıta óńdeýmen aınalysady. Qazirgi ýaqytta ınvestorlar Qazaqstannyń ınvestısıalyq qorymen bank aldyndaǵy bereshekti óteý múmkindigi týraly kelissózder júrgizýde.

Kezdesý barysynda seriktestik júrgizý sóz boldy.

– Álemdik tájirıbede teri daıyndaý ortalyqtandyrylǵan túrde óńdeý kesheninde júrgiziledi. Iaǵnı, bul kezeńmen bylǵary kombınaty da aınalysý kerek. Belgili bir tehnologıa boıynsha terilerdi daıyndaıtyn, oqytylǵan mamandar jumys isteıtin jeke mal soıý alańdarymen jabdyqtalǵan arnaıy daıyndaý ortalyǵyn uıymdastyrý qajet. Bul bolashaq teri sapasynyń kepili, – dedi "DESA" kompanıasynyń bas dırektory Burak Celet.

Mamandardyń aıtýynsha, mundaı daıyndaý ortalyǵynyń jumysyn retke keltirý qıyndyq týdyrmaıdy. Sebebi SHQO-da aldyn ala jumys Semeı teri kombınaty ákimshiliginiń kúshimen júrgizilgen.