«Nur Otan» partıasynyń «Balalarǵa aqysyz İT-synyp ashý» bastamashyl jobasy aıasynda Jambyl aýdandyq partıa fılıaly jáne Jambyl aýdany ákimdigi bilim bóliminiń uıymdastyrýymen Baýyrjan Momyshuly atyndaǵy mektep-gımnazıasynda İT-synyby ashyldy.
IT-synyp zamanaýı kompúterlermen, 3D prınter, joǵary jyldamdyqty ınternetpen qamtylǵan. Bul synyptyń ashylý maqsaty jastardy robototehnıka, 3D format jobasynda robottar men jumys jasap, qımyl qozǵalystaryn úırenýge baǵyttaldy.
Sonymen qatar, İT-synypta oqýshylardyń sabaq oqýymen jáne qural-jabdyqtarmen jumys isteýdegi eskertpe stendteri, robototehnıka jáne 3D modeldeý ústelderi qural-jabdyqtarymen ornalasqan. İT-synypta oqýshylar «STEM centr» akdemısy boıynsha 3 modýlden turatyn oqý baǵdarlamasymen oqıdy. İT-synypta 8 jáne 16 jas aralyǵyndaǵy oqýshylarǵa oqytylady. İT-synypta oqýshylar 1-shi oqý modýlinde baǵdarlamalaýdy ıgerip shyǵady. Onda oqýshylar «Skreıch», «Pıton», «Sı++», «Java», 2-shi oqý modýlinde robototehnıkany meńgeredi. Onda oqýshylar «Lego» jáne «Arýdınno», 3-shi oqý modýlinde 3D modeldeýdi ıgeredi. Onda oqýshylar «Aýtodesk», «Skech ap», «Solıdorks» baǵdarlamalaryn meńgerip shyǵady.
İT-synyptyń ashylýyna Jambyl aýdany ákimdiginiń bilim bóliminiń basshysy Raýshan Qojamjarova qatysyp, İT-baǵdarlama men robototehnıkanyń qazirgi zamandaǵy alar orny erekshe ekendigine toqtaldy. Búginde symsyz smartfon, jelilik teledıdar taǵy basqa zamanaýı quraldar osy İT tehnologıanyń jemisi. Aldaǵy ýaqytta İT-synypta oqýshylar bilim alyp bolashaq kásipterin mektep tabaldyryǵynan tabýyna múmkindik alady.
Aıta keteıik, «Nur Otan» partıasy balalarǵa arnalǵan tegin IT-synyptar ashý jáne IT-mamandar daıarlaý isin «Sıfrly Qazaqstan» baǵdarlamasy aıasynda qolǵa alǵan bolatyn. Bul joba aıasynda elimiz boıynsha 1000 İT-synyp ashylyp, onda jylyna 8-16 jas aralyǵyndaǵy 150 myń bala baǵdarlamalaý jáne robot tehnıkasynyń negizderi jaıynda Eýropalyq bilim berý standarty negizinde tereńdetilgen bilim alady.
Ázirge 2018-2020 jyldarǵa, ıaǵnı úsh jylǵa josparlanǵan bul joba boıynsha 450 myń balany oqytý kózdelip otyr. Bul bastama mektepterge fakúltatıvti pán retinde engizilip, úsh aılyq jáne alty aılyq kýrs retinde júrgiziledi.
