«Nur Otan» partıasy Talas aýdandyq fılıalynyń «Mádenıet» bastaýysh partıa uıymynda Jambyl oblystyq fılıaly qoǵamdyq qabyldaý bóliminiń meńgerýshisi Úmit Ibraımova «Halyqqa kómek» partıalyq jobasy aıasynda tıisti mekeme basshylary jáne partıa belsendilerimen birlese kóshpeli qoǵamdyq qabyldaý ótkizdi.

Partıalyq joba aıasynda ótken qabyldaýǵa alǵash S.Shákirov aýylynyń turǵyny Sarsenkýl Amanbaeva balasy Erasyl Manıbaevtyń atynan jumysqa ornalasý máselesimen ótinishin bildirdi. Ótinish ıesine Jumyspen qamtý jáne áleýmettik baǵdarlamalar bóliminiń basshysy Esengeldı Malkaıdarov jumysqa ornalasý joldary aıasynda naqty túsindirme jumysyn júrgizdi.

Al Gaýhar Baıserkeeva otbasy jaǵdaıynyń tómendigine baılanysty, qysqy maýsymǵa kómir alýǵa jaǵdaıy kelmeıtindigin aıtyp, kómek kórsetýlerin ótindi. Nátıjesinde Qarataý qalasy ákiminiń orynbasary Maqsat Rysbaev ótinish ıesin tizimge alyp, kómektiń mindetti túrde kórsetiletindigin jetkizdi.

Sondaı-aq Jumyspen qamtý ortalyǵynyń dırektory Abdıbekova Aıtolqyn Serikqyzy ótinish ıesin kelesi jyldan qaıta bastap oqytylatyn qysqa merzimdi kýrstardy oqýǵa shaqyryp, tizimge engizip qoıdy.

Sol sekildi Qaraoı aýylynyń turǵyny Bıgaısha Jýmataeva otbasylyq jaǵdaıynyń tómendigine baılanysty barlyq balalaryn tolyq kıim-keshekpen qamtı almaǵandyǵyn aıtyp, kómek kórsetýlerin surandy. Kópbalaly ananyń ótinishine partıa aýdandyq máslıhattaǵy depýtattyq fraksıasynyń múshesi, «Sholaqtaý» taý-ken óńdeý kesheniniń basshysy Qudıarbek Omarov kómegin kórsetti.

Kelesi ótinish ıesi Tańsholpan Dáýletáli jumys máselesimen suranys jasady. Ótinish ıesine Jumyspen qamtý ortalyǵy tarapynan bos vakanttyq jumys oryndary usynylyp, Tańsholpan Nurlanqyzy aýdandyq pochta baılanys bólimine jumysqa ornalasty.

Jalpy, "Halyqqa kómek" partıalyq jobasy Elbasynyń tikeleı bastamasymen qolǵa alynǵan bolatyn. Atap aıtqanda, N. Nazarbaev « Nur Otan» partıasynyń kezekti XVIII sezinde halyqtyń basyndaǵy jáne qoǵamdaǵy ózekti máselelerge qatysty jedel áreket etý kerektigin aıtyp, "Halyqqa kómek" jobasyn júzege asyrýdy tapsyrǵan edi. Jańa bastamany partıa memlekettik organdarmen, úkimettik emes uıymdarmen jáne bıznes qaýymdastyqpen birlesip iske asyrýda. Joba negizinde partıanyń elimizdegi

barlyq qoǵamdyq qabyldaý bólmeleriniń jumysy jańǵyryp, olar biryńǵaı áleýmettik tereze júıesinde qyzmet kórsete bastady.