Nurǵalı Núsipjanov Jarkent qalasyndaǵy shıpajaıda jeke konsertin ótkizdi dep jazady Qamshy.kz aqparat agenttigi. Al konsertti óziniń jary Jadyra Seıdesh júrgizdi. 

«Armysyzdar, ardaqty aǵaıyn! Shıpajaıda biz konsert beremiz dep josparlaǵan joqpyz. Ásirese meniń júrgizýim aıaq astynan bolyp tur. Kelgen qadamdaryńyzǵa gúl bitsin! Alyp jatqan emderińiz kúsh-qýat berip, aman-esen oralýdy jazsyn. Bala-shaǵalaryńyzben qaýyshýlaryńyzǵa tilektespiz. Qasıetti jer jánnaty Jetisýǵa Nurǵalı Núsipjanovtyń kelýi birinshi ret emes. Bul kisi osy óńirden túlep ushqan. Sondyqtan Nurǵalı Núsipjanov aǵamyzdy shaqyrýǵa ruqsat etińizder», - dedi Jadyra Seıdesh.

«Maqtaýyn da jetkizdi endi. Sondyqtan sizdermen amandasyp, bastap kete bersem bolady», - dedi Nurǵalı Núsipjanov.