Aǵymdaǵy jylǵy 24 maýsymda Túrkistan oblysy Arys qalasanydaǵy №44856 áskerı bóliminde oq-dári qoımalarynda qarqymdy jarylystan týyndǵana tótenshe jaǵdaı barshamyzǵa belgili. Osyndaı qaıǵyly jaǵdaıda qalǵan otandastarymyzǵa búkil qazaqstandyqtar bar kómegin kórsetti. Sondaı-aq jambyldyqtar da shet qalmaı, osy tótenshe jaǵdaıdy joıý úshin biraz jumys atqardy.

Osylaısha Arys qalasyndaǵy jaǵdaı týraly habar túskennen keıin, Jambyl oblysy Tótenshe jaǵdaılar departamenti Órt sóndirý qyzmetiniń kúshter men quraldary, kez kelgen mınýtta Túrkistan oblysyna kómekke kelý úshin kúsheıtilgen kezekshilikke ótken bolatyn.

Birinshi túsken buıryq boıynsha,Jambyl oblysynyń azamattyq qorǵaý qyzmetkerleri Arys qalasyna jóneldi. Osylaısha Órt sóndirý qyzmetiniń jeke quramynyń arasynda Órt sóndirý qyzmeti bastyǵynyń orynbasary, azamattyq qorǵaý polkovnıgi Mansýr Shaıkramov, Kúshter men quraldardy jedel basqarý ortalyǵy bastyǵynyń orynbasary Nurmahan Japashev, kezekshi órt sóndirý qyzmetiniń jedel kezekshileri, azamattyq qorǵaý podpolkovnıkteri Talas Nazarov, Beıbit Aryqbaev jáne Aıdos Qasqaev tótenshe jaǵdaı oryn alǵan jerge baryp, shatyrly qalashyqtaǵy jumysty uıymdastyryp jáne júrgizip, sońdaı-aq avtonomdy avarıalyq elektrmen qamtydy.Sonymen qatar, joǵaryda atalǵan qyzmetkerler TJ ornynda Jambyl oblysy ákimdiginiń sektoryndaǵy jedel shtabtyń jumysyna belsendi qatysty.

Jambyl oblysy TJD Taraz qalasynyń Tótenshe jaǵdaılar basqarmasynyń ınjenerlik-ınspektorlyq quramy atynan, azamattyq qorǵaý aǵa leıtenanty Alıasqar Aıtjanov oqıǵan oryn alǵan mekenjaıda kúndelikti úgit-nasıhat jumystaryn bekitilgen sektorda júrgizdi. Shara barysynda, A. Aıtjanov turǵyndar men qurylysshylar arasynda órt qaýipsizdigi erejelerin saqtaý boıynsha nusqaýlyq júrgizdi.

Osyǵan oraı 2019 jylǵy 10 qyrkúıekte joǵaryda atalǵan oqıǵa ornynda belsendi túrde jumys atqarǵan qyzmetkerler Jambyl oblysynyń ákimi Asqar Myrzahmetov alǵys hattarymen marapattaldy.

Aıta keteıik, Arys qalasyndaǵy Jambyl oblysynyń shtabyna qarasty 3-sektorǵa 11 kóshe bekitilgen bolatyn. Onda 312 jeke turǵyn úılermen birge 14 áleýmettik jáne komersıalyq nysan bary anyqtalǵan. Nátıjesinde qıraǵan 4 úıdiń ekeýi basynan boı kóterip, ekeýi tolyq jańǵyrtyldy. Qalǵan 309 úıge ártúrli jóndeý jumystary júrgizilip, qalpyna keltirildi. Bul jumystarǵa 4 merdiger kompanıa, 500-den asa qurylysshy tartyldy.