Almaty oblysynyń ákimi Amandyq Batalovtyń ıdeologıa jónindegi orynbasary bolyp Batyrjan Baıjumanov taǵaıyndady, dep habarlaıdy Qamshy.kz aqparat agenttigi.
Ákimdik saıtynyń málimetinshe, Batyrjan Baıjumanov 1976 jyly týǵan. Qazaq memlekettik agrarlyq ýnıversıtetin jáne Abaı atyndaǵy Qazaq Ulttyq ýnıversıtetin bitirgen. Mamandyǵy boıynsha – ǵalym agronom, memlekettik basqarý menedjeri. 2008 jyly "Desentralızasıa" baǵdarlamasy arqyly Dúka ýnıversıtetinde (AQSH) bilim aldy.
Ár jyldarda Qazaqstan Respýblıkasy Aýyl sharýashylyǵy mınıstrliginde, sol sıaqty QR Premer-Mınıstri Keńsesiniń aǵa mamany, sarapshysy, QR Prezıdenti Keńsesiniń aǵa, bas sarapshysy, konsýltanty, QR Prezıdenti Ákimshiliginiń ınspektory, memlekettik ınspektory, "KazAgroInnovasıa" AQ Basqarma tóraǵasynyń orynbasary, "Ulttyq agrarlyq ǵylymı-bilim berý ortalyǵy" AQ Basqarma tóraǵasynyń orynbasary qyzmetterin atqarǵan.
2017 jyldyń sáýir aıynan – Almaty oblysy ákimi apparatynyń basshysy bolǵan.
Almaty oblysy ákimi apparatynyń basshysy qyzmetine Temirlan Bektasov taǵaıyndaldy. Ol buǵan deıin oblystaǵy Panfılov aýdanynyń ákimi qyzmetin atqarǵan.
Pikir qaldyrý