Astanada Álemdik jáne dástúrli dinder lıderleri sezi hatshylyǵynyń XVIII otyrysy bastaldy. Búgin senat tóraǵasy Darıǵa Nazarbaeva hatshylyq tóraǵasy retinde otyrysty alǵash ret ótkizip otyr, dep habarlaıdy Qamshy.kz aqparat agenttigi. Otyrys kezinde Darıǵa Nazarbaeva Toqaevtyń Senat tóraǵasy bolyp qyzmet atqarǵandaǵy jumysyna joǵary baǵa berdi. 

"Táýelsizdik jyldarynda óńirlik qaýipsizdik pen turaqtylyqtyń tiregine aınalǵan eldiń basshysy Nursultan Nazarbaevtyń bastamasyn eń iri álemdik dinder men konfesıalardyń basshylary qoldady. Onyń konfesıaaralyq ashyq dıalog ótkizý ıdeıasyn sol sátte barsha álemnen qoldaý tapty. Sodan beri Qazaqstannyń tuńǵysh prezıdentiniń strategıalyq salmaqty ári kóregen bastamasy óziniń ózektiligin joǵaltqan emes", - dep bastady sózin Nazarbaeva.

Sıez barysynda Úndi mádenıeti ortalyǵynyń dırektory Kala Dhanandjeı Acharıa mahabbat pen óner, tatý dıalog týraly aıtqan. Darıǵa Nazarbaeva doktordyń sózimen kelisip, kelesi sıeze óner festıvalin uıymdastyrýdy usyndy. 

"Maǵan óner - adam júregine jetkizetin eń qysqa jol degen ıdeıa unaıdy. Sondyqtan, sizben tolyq kelisemin, tatýlyq, beıbitshilik, dinaralyq jáne konfesıaaralyq dıalog múddesinde barlyq baǵyt boıynsha ónerdi ázirleý jáne pysyqtaý qajet degen kózqarasyńyzben kelisemin. Kelesi kongreste osy taqyrypqa arnalǵan óner festıvalin uıymdastyryp, daıyndaı alamyz dep úmittenemin. Osy bastamada qosatyn yqtımal úlesińiz úshin bárimiz sizge alǵys aıtamyz dep oılaımyn. Eger bul festıválǵa jastar nazaryn aýdarta alsańyz, bul osy taqyrypqa arnalǵan óner kórmesin uıymdastyrý úshin eki ese paıdaly bolar edi. Bizdiń jumys tobymyz osy boıynsha jumys isteıdi", - dedi Darıǵa Nazarbaeva.

Keıin Darıǵa Nazarbaeva ákesi Nazarbaevtyń Sırıadaǵy máseleni elordada retteý bastamasy týraly aıtty. 

"Qurmetti qonaqtar, bizdiń aldymyzda 202 jylǵa josparlanǵan Álemdik jáne dástúrli dinder lıderleriniń VIII seziniń kún tártibindegi negizgi taqyryptardy tujyrymdaý jáne ony ótkizýdi uıymdastyrý boıynsha jaýapty jumys kútip tur", - dedi Nazarbaeva. 

Otyrys kezinde san alýan konfesıa ókilderi hatshylyqtyń burynǵy tóraǵasy Qasym-Jomart Toqaevtyń eńbegin erekshe atap ótti. Darıǵa Nazarbaeva onyń buǵan deıin atqarǵan jumysyna joǵara baǵa berdi.