Tanymal ánshi Sıvı Mahmýdı Janar Hamıtovanyń jaryqqa shyqpaǵan ánderin jınaqtap jaryqqa shyǵarady dep jazady Qamshy.kz aqparat agenttigi. Bul týraly ol óziniń Instagram paraqshasyna jazdy.
Ol ázirge Janar týraly aıtyp, suhbat berýdiń qıyn ekenin jazdy.
"Maǵan Janar jaıly, ázirshe ótken shaqta aıtý qıyn ekenin túsinse eken jýrnalıser qaýymy. Qalǵan aqparattardy aldaǵy ýaqytta aıtatyn bolamyn! Ázirge Janar ekeýmiz jasaǵan jumystarymyz ben ánderimizdi aldaǵy ýaqyttarda estelik retinde mura qalý úshin salyp otyratyn bolamyn. Janar ekeýmizdiń osyndaı ánimiz jaryqqa shyqqan bolatyn. Janardyń jaryqqa shyqpaı qalǵan ánderin Sizderge kúnine 1 áninen salyp turaıyn dep sheshtim. Janardyń qorjynynda 10-ǵa jýyq ánderi bar, onyń 5 áni ǵana jaryqqa shyqty. Ózi ómirden ótse de, syńǵyrlaǵan erekshe daýysymen óshpeıtin iz qaldyryp ketti... Endigi nıetim 10 ánnen estelik retinde án jınaq shyǵarý. Janardyń shyǵatyn 5 áni búgingi tańǵa deıingi shyqpaǵan sebebi, 100% tolyqtaı daıyn bolmaǵan edi. Sondyqtan qatty synamaı bar dúnıeni mura estelik retinde qaldyrý maqsatynda shyǵarǵaly otyrmyn!", - dep jazady Sıvı Mahmýdı.
Pikir qaldyrý