Dımash Qytaıda "Samaltaý" atty qazaqtyń halyq ánin oryndap kórermenderdi tánti etti dep jazady Qamshy.kz aqparat agenttigi.  Bul ándi Dımash Qytaıdyń Fýchjoý qalasynda ótken "Uly Jibek joly" halyqaralyq kınofestıvaliniń jabylý saltanatynda aıtty. 

Ánniń tarıhy 1916 jylǵy tarıhı oqıǵalarmen baılanysty. 1916 jyly maýsymnyń 25-inde Reseı patshasy İİ Nıkolaıdyń «Rekvızısıalaý týraly» jarlyǵy shyǵyp, Qazaqstan, Orta Azıa men Sibirdegi «buratana halyqtardan» 19 ben 43 jas aralyǵyndaǵy 400 myń adamdy maıdannyń tyl jumystaryna alý kózdeldi. Onyń 240 myńyn qazaqtan alynatyn boldy. Osy jarlyqqa ile-shala qazaq dalasy men Orta Azıada jıyrmasynshy ǵasyrdaǵy eń aıtýly, jappaı kóterilisterdiń biri bastaldy.Arqaǵa tirelgen qara myltyqtyń kúshimen jat el, bógde jurtqa eriksiz ketip bara jatqan qazaq jigitiniń osy bir áni artta qalǵan ata jurtqa duǵaı sálem bolyp jetti.