"Qazaqtyń erke qyzy" atanǵan halyqtyń súıikti ánshisi, Qazaqkonsert solısi Maqpal Júnisovanyń maqpaldaı daýysy Tashkent jurtshylyǵyn tamsandyrdy dep habarlaıdy Qamshy.kz aqparat agenttigi Mádenıet jáne sport mınıstrliniń baspasóz qyzmetine silteme jasap. 

Elimizdiń ulttyq mýzykalyq murasyn keńinen nasıhattaýǵa zor úles qosqan Maqpal Júnisovanyń konserti "Týrkıston" konsert zalynda anshlagpen ótti. Konsertte ánshiniń belgili týyndylary, qazaqtyń halyq ánderi jáne tanymal orys romanstary oryndaldy. Ánshi Qazaqkonserttiń óner ujymdary - "Astana sazy" etno-folklorlyq ansambli men "Saz&soul" vokaldyq-aspaptyq ansambliniń súıemeldeýimen óner kórsetti.

Ansámblder belgili kompozıtorlar ári mýltı ınstrýmentalıst mýzykanttar Baýyrjan Aqtaev pen Ádiljan Tolyqpaevtyń jetekshiligimen sahnaǵa shyǵyp, qazaqtyń dástúrli mýzykasy men estrada ónerin úndestirgen tamasha sıntezdiń úlgisin usyndy. Halqymyzdyń ulttyq mýzykasyn jańa formatta usynǵan ansámblder talǵampaz tyńdarmannyń qulaq quryshyn qandyrdy. Buǵan qosa, tyńdarman qaýymǵa óz ónerin belgili ánshi Erjan Belǵozıev pen konsertmeıster Oljas Baıdildaev usyndy.

Osy aıtýly jylǵa sáıkes Qazaqkonsert artıseri Tashkentte eki úlken konsert berip úlgerdi. Budan az ýaqyt buryn Tashkenttńń dál osy "Týrkıston" konsert zalynda Qazaqkonsert solısi, belgili ánshi Roza Rymbaevanyń konserti ótken bolatyn.

QR Mádenıet jáne sport mınıstrliginiń qoldaýymen Qazaqkonsert usynǵan tyń jobalar baýyrlas halyqtardy odan ári jaqyndastyryp, ejelden beri kele jatqan yntymaǵymyzdy odan ári jarastyra túskeni anyq.

Gastróldik sapardy sátti ótkizgen Qazaqkonsert uıymynyń artıseri taǵy bir úlken jetistikke qol jetkizdi. Qazaqkonsert uıymy Ózbekstan memlekettik fılarmonıasymen yntymaqtastyq týraly memorandým jasasty. Eki jaqty memorandým sheńberinde eki eldiń mádenı qarym-qatynasy arta túsedi.