Shymkentte bıylǵy 10 aıda 128 adamnan VICH ınfeksıasy anyqtalǵan dep habarlaıdy Qamshy.kz aqparat agenttigi astanatv.kz saıtyna silteme jasap.

Sonyń toǵyzy júkti áıelderden tabyldy.  JITS ortalyǵy mamandary aıaǵy aýyr jandar emdelýden bas tartqan jaǵdaılary bolǵanyn aıtty. Jalpy jyl basynan shaharda 38 bala týǵan. Adamnyń ımmýn tapshylyǵy vırýsy anadan balaǵa juǵý jaǵdaıy tirkelmegen.

SPID ortalyǵyndaǵylardyń esebinshe kúni búginge deıin óńirde 296 bala dúnıege kelgen. Olardyń bári ata-analarynyń taǵaıyndalǵan emdi udaıy qabyldaýynyń nátıjesi dedi. Mamandar bıyl aty jamaý aýrý anyqtalǵandardyń qatarynda sheteldikterdiń de baryn alǵa tartyp otyr. Olar da jergilikti halyq sıaqty tegin em qabyldaı bastaǵan.

Qojahmet Mashırov, Shymkent qalalyq JITS ortalyǵynyń bas dárigeriniń orynbasary: Arnaıy ǵalamdyq qordyń granty esebinen tegin em júrgizilip jatyr. -Qansha azamat bar? - Bizdiń Shymkentte búgingi kúnde 4 shetel azamaty bas bostandyǵynan aıyrý oryndarynda jáne úsh shetel azamaty týberkýlezge qarsy dıspanserde emdelip, solar basqa emnen bólek osy AITV ınfeksıasyna tegin em qabyldap jatyr.

1-qarashadaǵy málimet boıynsha SPID ortalyǵynda 1 400-den astam adam esep tur. Onyń 11-i medısına qyzmetkerleriniń salǵyrttyǵynan juqtyrǵandar. Mamandar sonyń beseýi búginde otbasyn quryp, jeti perzent súıip úlgergenin jetkizdi. Olardyń juptary da, dúnıege kelgen sábıler de keselden din aman. Ortalyqtaǵylar muny taǵaıyndalǵan emdi ýaqytyly qoldanýdyń nátıjesi dep otyr.