Úkimet saǵatynda QR Bilim jáne ǵylym mınıstri Asqat Aımaǵambetov álippege qatysty arnaıy jumys tobyn qurǵanyn málimdedi.

"Álippege qatysty másele kópten beri kóterilip júr. Bul shyn mánine óte mańyzdy. Bıyl tamyz keńesinde osy máselege jeke toqtaldyq. Qazir tıisti jumys toby quryldy. Bizdiń aıtyp otyrǵanymyz, álippeni mektepke engizý kerek jáne onda eshqandaı eksperıment kerek emes. Ahmet Baıtursynovtyń ádistemesi bar, sol ádistemeden basqa eshteńe oılap tabý qajet emes", – dedi mınıstr.

Sondaı-aq A.Aımaǵambetov talqylaý barysynda oqýlyqtardy daıarlaý, taldaý sharalaryna aıtylǵan syndardy eskerip, máselelerdi sheshý úshin oqýlyqtardyń sapasyn jaqsartý jáne saraptaý tetigin jańartý boıynsha jumys júrgiziletin aıtty.