Indýstrıalyq jobalar el keleshegi ekeni daýsyz. Sondyqtan da jylda óńir-óńirler de aýqymdy jobalar jandanýda. Jambyl oblysynda da oń dınamıkaǵa ındýstrıaldy-ınnovasıalyq damý memlekettik baǵdarlamasy aıasynda iske qosylǵan kásiporyndar da óz úlesin qosýda dep jazady Qamshy.kz aqparat agenttigi. Máselen aǵymdaǵy jyly 693 jańa jumys ornyn qurýdy kózdeıtin jalpy quny 11,9 mıllıard teńgege 8 ınvestısıalyq joba iske asyrylýda. Onyń 2-ýi eksportqa baǵyttalǵan.

- GMP jáne GLP standarttary boıynsha veterınarıalyq preparattardy óndiretin bıokombınat qurylysy («Bio Vit KZ» JSHS-gi);

- Alǵashqy akvoponıka tehnologıasy negizinde salat daqyldary men balyqty óndirip óńde («GREENWILL» JSHS).

Jyl basynan 1,1 mıllıard teńgege 2 joba iske qosylyp, 17 jańa jumys orny quryldy («Qordaı sút ónimderi» JSHS, «GREENWILL» JSHS).

Aýyl sharýashylyǵynda esepti merzimde 131,8 mıllıard teńgeniń ónimi óndirilip, ósim 3,9 paıyzdy qurady. Bul respýblıka óńirleri aralyǵyndaǵy 5-shi oń kórsetkish (QR – 3,8%).

Mal shaýrashalyǵynda et óndirisi – 3,6 paıyzǵa, sút óndirisi – 2,9 paıyzǵa, jumyrtqa óndirisi – 6,5 paıyzǵa artty.

Ósimdik sharýashylyǵynda aýyl sharýashylyǵy daqyldary 687,2 myń gektarǵa ornalastyryldy jáne ótken jylmen salystyrǵanda 25 myń gektarǵa nemese 2,7 paıyzǵa artty.

Elbasymyz Qasym-Jomart Kemeluly óz Joldaýynda «Aýyl sharýashylyǵy – bizdiń negizgi resýrsymyz, biraq onyń áleýeti tolyq paıdalanylmaı otyr. El ishinde ǵana emes, shetelde de suranysqa ıe organıkalyq jáne ekologıalyq taza ónim óndirý úshin zor múmkindikter bar. Biz sýarmaly jer kólemin kezeń-kezeńmen 2030 jylǵa qaraı 3 mıllıon gektarǵa deıin ulǵaıtýymyz kerek. Bul aýyl sharýashylyǵy óniminiń kólemin 4,5 ese arttyrýǵa múmkindik beredi» degen bolatyn. Aýyl sharýashylyǵyna shetelden ınvestorlar tartý – mańyzdy mindet. Kelissózder júrgizilip jatyr. Úkimet naqty nátıjege qol jetkizýi kerek.

Biz Elbasynyń «Aýyl – El Besigi» arnaıy jobasyn júzege asyrýdy jalǵastyramyz. Úkimetke «Aýyl – El Besigi» jobasyn júzege asyrý úshin bıyl bólingen 30 mıllıard teńgege qosymsha aldaǵy úsh jyl ishinde 90 mıllıard teńge bólýdi tapsyramyn,-dedi prezıdentimiz Qasym-Jomart Toqaev.

Iá, bul oraıda buǵan ındýstıaldy jobalardyń tıgizetin paıdasy orasan ekeni daýsyz.