Búginde Elbasynyń «Bolashaqqa baǵdar: rýhanı jańǵyrý», «Uly Dalanyń jeti qyry» baǵdarlamalyq maqalalarynan týyndaǵan mindetterdi iske asyrý maqsatynda oqýshylardy óńirdegi ólketaný mýzeılerimen tanystyrý jumystary qolǵa alyndy. Sáıkesinshe qulandyq oqýshylar da aýdandyq ólkentaný mýzeıinde bolyp ondaǵy jádigerler arqyly aımaq tarıhyna qatysty kóptegen tyń derekter qanyqty, dep jazady Qamshy.kz aqparat agenttigi.
Turar Rysqulov aýdandyq mýzeıi 1983 jyldan beri jumys jasaıdy.
–Mundaǵy 9557 jádiger úsh ekspozısıalyq zalǵa ornalasqan. Mýzeıge kelýshilerge arheologıalyq, etnografıalyq, tarıhı zaldar qyzmet kórsetedi. Jádigerlerdiń deni óńirdegi tarıhı Qulan qalashyǵynda júrgizilgen arheologıalyq qazba jumystary kezinde tabylǵan buıymdar jáne turmystyq zattardan turady. Sondaı-aq murajaıda Uly Otan soǵysy tarıhynan habar beretin jádigerler, aýdandaǵy soǵys ardagerleriniń qujattary men marapattary laıyqty oryn alǵan.
Aýdanymyz atyn ıelengen qazaqtyń asyl perzenti Turar Rysqulovqa arnaıy ekspozısıa da jasaqtalǵan.Qazir mýzeıge ólke tarıhymen tanysýǵa qushtar mektep oqýshylarynyń kóptep at basyn burýda, –deıdi aýdandyq mýzeı meńgerýshisi Esnazar Qurymbaev.
Óz kezeginde oqýshylar da mýzeıdegi sapardyń ólke tarıhyn tanýǵa zor septigin tıgizetindigin alǵa tartady.
–Biz synyptastarymyzben birge mýzeıdiń arheologıalyq, etnografıalyq, jáne tarıhı zaldaryn aralaı júrip, aýdan tarıhyna qatysty mol málimettermen tanystyq. Ásirese Ejelgi Qulan qalashyǵynyń Jibek joly boıyndaǵy İİ-Hİİ ǵasyrlarǵa jatatyn ózge han saraılaryynyń maketter, «Qulan tóbeden» tabylǵan turmystyq zattar men tas músinder erekshe áser etti. Al etnografıa zalynda Smaıl Yrǵalbekov aǵamyzdyń qolynan shyqqan áshekeılerdiń jasalý tásiline qyzyǵa qaradyq. Mýzeıge ár jyldary mektep oqýshylarynyń qolymen tapsyrylǵan jádigerlerdiń qoıylýy da bizge aýdan tarıhyna asqan yjdahattylyqpen qaraýdy úndegendeı boldy. Eń bastysy erte zamandar men ótken ǵasyrlarda ǵumyr keshken ata-babalarymyzdyń kúndelikti tutynǵan zattar sol dáýirlerdiń kýágeri bolyp bizdiń zamanymyzǵa jetken, –deıdi T.Rysqulov aýdanyndaǵy №2 shaǵyn ortalyqty orta mektebiniń oqýshysy Arýjan Baıǵutty.
