Qazaqstan Prezıdenti Qasym-Jomart Toqaev birqatar ekijaqty kezdesýlerden keıin Joǵary Eýrazıalyq ekonomıkalyq keńestiń shaǵyn jáne keńeıtilgen quramdaǵy otyrystaryna qatysty dep jazady Qamshy.kz aqparat agenttigi akorda.kz saıtyna silteme jasap.

Memleket basshysy Qasym-Jomart Toqaev birqatar ekijaqty kezdesýlerden keıin Joǵary Eýrazıalyq ekonomıkalyq keńestiń shaǵyn jáne keńeıtilgen quramdaǵy otyrystaryna qatysty.

Keńestiń keńeıtilgen otyrysyna Belorýs Respýblıkasynyń Prezıdenti Aleksandr Lýkashenko, Qyrǵyz Respýblıkasynyń Prezıdenti Sooronbaı Jeenbekov, Reseı Federasıasynyń Prezıdenti Vladımır Pýtın, Armenıa Premer-Mınıstri Nıkol Pashınán, Eýrazıalyq ekonomıkalyq komısıasy alqasynyń tóraǵasy Tıgran Sarkısán qatysty. Sonymen qatar, sharaǵa Eýrazıalyq ekonomıkalyq odaq janyndaǵy baqylaýshy-memleket basshysy retinde Moldova Respýblıkasynyń prezıdenti Igor Dodon, qurmetti qonaqtar – Iran Islam Respýblıkasynyń prezıdenti Hasan Rýhanı jáne Sıngapýr Respýblıkasynyń Premer-Mınıstri Lı Sán Lýn qatysyp otyrdy.

Qasym-Jomart Toqaev óz sózinde armán tarapyna jyly qabyldaýyna jáne otyrysqa joǵary deńgeıde daıyndalǵany úshin rızashylyǵyn bildirdi. Memleket basshysy Eýrazıalyq ekonomıkalyq odaqtyń álemdik saýda-sattyqty damytýdyń asa mańyzdy bóligine aınalǵanyna senimdi ekenin aıtty.

Qazaqstan Prezıdenti naryqtyń jyldam ózgerip jatqan konúktýrasy, derjavalar arasyndaǵy básekelestiktiń artýy, saýda soǵysy, proteksıonızmniń ósýi álem ekonomıkasynyń turaqsyzdyǵyna soqtyrýy múmkin dep atap ótti.

"Qamshy" silteıdi