Qazaqstandyq kásipqoı boksshy Gennadıı Golovkın ýkraınalyq Sergeı Derevánchenkony jeńip, sharshy alańdaǵy 40-jeńisine qol jetkizdi, dep jazady Qamshy.kz aqparat agenttigi. 

Jekpe-jek Nú-Iorktegi (AQSH) Madison Square Garden arenasynda ótti. 12 raýndqa sozylǵan kezdesýdiń alǵashqy raýndynda Golovkın ýkraınalyq boksshyny nokdaýnǵa jiberdi. Qalǵan raýntarda kezdesý salystyrmaly túrde óte jaqyn ótti. 

Osylaısha, GGG bir kezderi ózine tıesili bolǵan orta salmaqtaǵy IBF  jáne IBO tıtýldaryn ıelendi. Orta salmaqtaǵy ózge WBC, WBA belbeýleri meksıkalyq Kanelo Alvareske tıesili.

Golovkın atalǵan jekpe-jek qorytyndysy boıynsha 15 mln dollar, Derevánchenko ózi úshin rekordtyq soma 5 mln dollar tabys tapty.