Qaraǵandy oblysy Jańaarqa aýdany ákiminiń orynbasary B.Q.Serikbaevqa para alǵany úshin 6 mıllıon teńge kóleminde aıyppul salyndy. Bul týraly sybaılas jemqorlyqqa qarsy is-qımyl agenttiginiń baspasóz qyzmeti habarlady. 

Agenttiktiń habarlaýynsha, Serikbaev "jeke tulǵalardyń paıdalanýyna jatpaıtyn qosymsha jer ýchaskesin jalǵa berý týraly oń sheshim qabyldaǵany úshin 200 myń teńge somasynda para alǵan". 

– Qaraǵandy oblysynyń sybaılas jemqorlyqqa qarsy qyzmeti para alǵan Jańaarqa aýdany ákiminiń birinshi orynbasary – jer komısıasynyń tóraǵasy B.Q.Serikovke qatysty sotqa deıingi tergeýdi aıaqtady. Ol jeke tulǵalardyń paıdalanýyna jatpaıtyn qosymsha jer ýchaskesin jalǵa berý týraly oń sheshim qabyldaǵany úshin azamattan 200 myń teńge somasynda para aldy degen kúdikke ilingen bolatyn. Bıyl 7 qazanda Jańaarqa aýdandyq sotynyń úkimimen B.Q. Serikov para alǵany úshin kináli dep tanylyp, oǵan 6 mıllıon teńge kóleminde aıyppul salyndy, – delingen agenttiktiń habarlamasynda.