Masaakı Imaı (japon tilinde 今井 正明 ımaı masaakı, 1930 jyly Tokıoda dúnıege kelgen) — «lean-gýrý», úzdiksiz jetildirý (kaıdzen) konsepsıasynyń negizin qalaýshy (aǵylsh. Continuous Improvement).
1955 jyly Tokıo joǵary oqý ornynda bakalavr dárejesin alǵannan keıin, halyqaralyq qatynastar salasynda qyzmetin jalǵastyrý úshin sonda qalady.
1962 jyly Masaakı Imaı Cambridge Corporation — konsaltıńtik kompanıa negizin qalaıdy. Ol basqarýshylyq keńes berýge maman daıyndaıtyn jáne joǵary sanatty menedjerler tańdaýǵa úıretetin kompanıa. Rekrýtıng, qyzmetkerlerdi basqarý, uıymdyq zertteý salasyndaǵy keńesshi retinde Imaı myrza Japonıadaǵy 200-den astam sheteldik jáne birikken kásiporyndarǵa kóp kómegin tıgizgen. 1976-ynshy jyldan bastap, 1986-ynshy jylǵa deıin Masaakı Japonıanyń rekrýtıng jáne kadrlyq agenttik federasıasynyń prezıdenti bolǵan.
Masaakı Imaı «Kaıdzen: japon kompanıalaryn jetistikke jetkizgen kilt»(1986), «Gemba Kaıdzen: shyǵyndy azaıtyp, sapany arttyratýdyń joly» (1997) kitaptarynyń avtory. Eńbekteri fransýz, goland, portýgal, nemis, ıspan, ındonezıa, qytaı, orys jáne ózge de tilderge aýdarylǵan.
1985 jyly kompanıalarǵa kaıdzenniń konsepsıasyn, júıesin, kerek ádisterin engizý úshin Masaakı Imaı KAIZEN Institute Consulting Group kompanıasyn ashty. Ol — álem boıynda otyz shaqty elde keńsesi bar konsaltıńtik kompanıa. Sońǵy otyz jyldan astam ýaqyt ishinde Masaakı Imaı áriptesi provel Daısýke Narotanmen birge kaıdzen, únemdi óndiris jáne basqarý isi týraly kóptegen dáris oqyǵan. Sonymen qatar, ártúrli uıymdarǵa kásip júıesin damytý jóninde keńes bergen.
Oqyrmandar nazaryna Masaakı Imaıdiń eńbeginen sıtatalar usynamyz.
***
1. Sapany jaqsartyńdar. 2. Ónimdilikti jaqsartyńdar. 3. Qordy azaıtyńdar. 4. Óndiristik jelini qysqartyńdar. 5. Qurylǵynyń qoldaný ýaqytyn azaıtyńdar. 6. Óndiristik alańdardy kishireıtińder. 7. Sıkl ýaqytyn azaıtyńdar.
***
Óndiristik jelidegi qyzmetkerlerdi qysqartyńdar: adam qanshalyqty az bolsa, sonshalyqty jaqsy. Ol shyǵyndy ǵana emes, sonymen qatar, sapa turǵysynan kezdesetin qıyndyqty da azaıtady. Sebebi, qanshalyqty qol az bolsa, qatelik jiberý múmkindigi sonshalyqty az bolady.
***
Kaıdzen ádisinde eń birinshi keregi – «josparla-jasa-tekser-iske asyr» (PDCA) sıkli.
***
Shirigen jumyrtqadan jaqsy quımaq shyqpaıdy.
***
Basshylyqtyń mindeti – standart ornatý. Sosyn sol standarttyń saqtalýyn qadaǵalaıtyn tártipti baqylaý. Tek osy ereje oryndalǵanda ǵana standartty kóterý úshin kaıdzen ádisin qoldanýǵa bolady.
***
Adamǵa ózin tabýǵa kómektesý úshin oǵan jumys barysynda qarym-qatynas jasaıtyndardyń báriniń pikirin, olardyń ony qalaı qabyldaıtynyn jetkizip, aıtyp turý kerek.
***
Kaıdzen — bul tutynýshyǵa baǵyttalǵan jetilýdiń strategıasy. Onyń aıtpaǵy: ıaǵnı, kez kelgen kompanıa túbinde tutynýshyny qanaǵattandyrý jolynda jumys isteýi kerek.
***
Eger jumysyńdy jarty jyl boıy birqalypta isteı beretin bolsań, jetistikke jetpeısiń.
