Túrkıa Prezıdenti Rejep Taıyp Erdoǵan Egıpettegi ahýaldarǵa sholý jasady. Onda túrik Prezıdenti Egıpettiń negizgi basshysy Mohammed Mýrsı ekendigin aıtyp, al qazirgi bılik basyndaǵylardy okýppanttar dep aıyptady. Bul týraly «Qamshy» portaly «Túrik radıosyna» silteme jasaı otyryp habarlaıdy.

Sondaı-aq, túrik lıderi óziniń málimdemesinde egıpettik sodyrlar tarapynan «Musylman baýyrlary» uıymynyń 13 múshesin naqaq ólim jazasyna kesilgendigin  synǵa alǵan.

«Men as-Sısı-ge qarsy shyqqanym úshin meni kóbi kinálaıdy eken.  Men elimdegi demokratıaǵa jáne halqymnyń erkindigine sengen ekenmin, men adam bostandyǵyn, erkindigin tumshalaýshylarmen tabandylyqpen kúresetin bolamyn. Qaıtalap aıtamyn, Egıpettiń naǵyz Prezıdenti – Mohammed Mýrs. Al qazirgi bılik basyndaǵylar basbuzarlar men sodyrlar. Okýppanttar»,- dedi Taıyp Erdoǵan.

Egıpettiń qazirgi bıligi «Musylman baýyrlarynyń» sońyna túsken. 1 shilde kúni jerglikti polısıa Kaır mańyndaǵy «Musylman baýyrlarynyń» úıine shabýyl jasap, onda ondaǵan musylmandy qyryp tastaǵan. Olardyń ishinde, burynǵy bılik basyndaǵylar, parlament depýtattary, Musylman baýyrlarynyń eń basty zańgeri Nasser ál-Hafı de bar bolatyn. Olardyń barlyǵy da sheıit bolǵan. Jergilikti jáne halyqaralyq BAQ-ta qaza tapqandardyń barlyǵy da qarýsyz bolǵandyǵy aıtylýda,-degen túrik Prezıdenti R.Erdoǵan.

Nurzat Toǵjan