Olar Abaı atyndaǵy kitaphanada qalalyq belsendi jastarmen jáne etno-mádenı birlestiktermen kezdesti.

Bul ekspedısıa Pavlodar oblysynan ótip, endi SHQO-ǵa keldi. Kezdesý barysynda ekspedısıaǵa qatysýshylar saıahat týraly óz áserlerimen bólisip, týǵan jerdiń tarıhyn bilý qanshalyqty mańyzdy ekenin atap ótti. Ekspedısıanyń basty maqsaty –  jastardy týǵan ólkeniń tarıhymen tanystyrý jáne óskeleń urpaqqa patrıottyq sezimdi tárbıeleý.

–  "Rýhanı jańǵyrý" baǵdarlamasy aıasynda kóptegen is-sharalar ótkizilýde. Olardyń biri – bizdiń ekspedısıa. Bizdiń maqsat –  tek baǵyt boıynsha júrip qana qoımaı, tarıhty tanyp, jastarǵa patrıottyq tárbıe berý. Bizdiń ekspedısıanyń barlyq qatysýshylary ártúrli konkýrstardyń qatysýshylary men jeńimpazdary. Ekspedısıa kezinde biz foto-beıne túsiremiz jáne barlyq osy aqparatty áleýmettik jelilerge taratamyz. Osylaısha bizben birge kóptegen jazylýshylarymyz da birge saıahattaıdy, – deıdi Qaraǵandy oblysy ákimdigi apparaty janyndaǵy "Qoǵamdyq kelisim" KMM basshysy Erlan Qusaıynov.

Osy ýaqyt ishinde ekspedısıaǵa qatysýshylar kóptegen tarıhı jáne mańyzdy jerlerge barady.

– Ekspedısıa qorytyndysy boıynsha brıfıńter ótkizilip, televızıalyq baǵdarlamalar túsiriledi. Onda qatysýshylardyń árqaısysy sapar týraly óz áserlerimen bólisedi, – dep túıindedi Erlan Qusaıynov.