Jambyl oblysynda jumyskerlerdiń eńbek barysyndaǵy quqyqtarynyń saqtalýy jiti qadaǵalaýda. Bul maqsatta aımaqta arnaıy organ – oblys ákimdiginiń eńbek ınspeksıasy basqarmasy qaltqysyz qyzmet etýde.

Atalǵan basqarmanyń bergen málimeti boıynsha, jyl basynan beri oblysta 21 kásiporynda 4872 jumysker aldynda 788,5 mıllıon teńge jalaqy qaryzdary anyqtalyp, onyń 660,1 mıllıon teńgesi nemese 87,1 paıyzy óndirilgen. Nátıjesinde 4113 jumyskerdiń quqyqtary qorǵaldy.

Memlekettik eńbek ınspektorlarymen 8 aıda jeke jáne zańdy tulǵalardyń 753 aryz-shaǵymdary qaralyp, 122 tekserýler ashylyp, 163 zań buzýshylyq faktileri anyqtalǵan. Olar boıynsha 4 mıllıon 810 myń 125 teńge kóleminde 30 ákimshilik aıyppuldar, 17 eskertý túrindegi ákimshilik sharalar qoldanylyp, 68 oryndalýy mindetti nusqamalar berildi.

Nátıjesinde 705 aryzdanýshynyń quqyqtary qorǵalyp, qanaǵattandyryldy.

Jalpy, oblys ákimdiginiń eńbek ınspeksıasy basqarmasy áleýmettik-eńbek qatynastaryn retteý barysynda negizgi bes baǵyt aıqyndalyp, josparly jumystar atqarylýda. Atap aıtqanda, mekeme tómengi jalaqyny kóterý, ujymdyq sharttar qabyldaý, memorandýmdar qabyldaý, álemettik-eńbek salasyn sıfrlandyrý jáne beıresmı jumyspen qamtylǵan tulǵalardyń eńbek qatynastaryn zańdastyrý baǵytynda naqty jumystar júrgizýde.

Osy rette, aımaqta tómengi jalaqyny kóterý jumystary júıeli júzege asýda. Atap aıtqanda, oblystyń 7297 nemese 82,8 paıyz kásiporyny 72,9 myń jumyskerdiń jalaqysyn orta eseppen 39,8 myńnan 50,2 myń teńgege nemese 26,1 paıyzǵa kóterdi. Bul elimizdiń óńirleri arasyndaǵy 6 kórsetkish bolyp otyr.

Onyń ishinde, 91 iri kásiporyn 43300 jumyskerge, 42 orta kásiporyn 3877 jumyskerge, 7164 shaǵyn kásiporyn 25763 jumyskerge jalaqylaryn kóterdi. Osylaısha, ortasha nomınaldy jalaqy mólsheri 112,3 myń teńgeni qurap, ortasha respýblıkalyq mólsherden 33,4 paıyzǵa tómen boldy.

Bul oraıda jumys berýshilermen jalaqy tóleý júıesin retteıtin 4046 akti qabyldandy. Onyń ishinde, 2427 buıryq, 467 ujymdyq shart, 1134 úshjaqty kelisimder, 3 hattama jáne 15 ujymdyq shartqa ózgeris engizý jáne bir aýmaqtyq úshjaqty kelisimder qabyldanǵan. Bul óńirler arasyndaǵy 6 kórsetkish.