Sybaılas jemqorlyqtyń aldyn alý úshin elimizde ınstıtýsıonaldyq jáne quqyqtyq baza qalyptasqan. Máselen, «100 naqty qadam» Ult jospary sheńberinde 2015 jyldyń 18 qarashasynda «Sybaılas jemqorlyqqa qarsy is-qımyl týraly» Zańy qabyldandy.

Tikeleı Prezıdentke baǵynatyn jańadan qurylǵan Sybaılas jemqorlyqqa qarsy is-qımyl agenttigi qyzmet etýde. Ataýlary kórsetip otyrǵandaı, Zańnyń da, Agenttiktiń de basty maqsaty – áleýmettik derttiń aldyn alý bolyp tabylady.

Osy maqsatta Sarysý aýdany ákimdiginiń ekonomıka jáne búdjettik josparlaý bóliminde "Adaldyq saǵaty" ótti. Onda bólim basshysy A.Toıshybekova :

– Turmystyq jemqorlyqty joıý maqsatynda barlyq óńirde «Adaldyq alańy» jobalyq keńseleri qurylǵan bolatyn. Jambyl oblysynda qurylǵan «Jambyl – adaldyq alańy» jobalyq keńsesi jyl basynan beri bekitilgen josparǵa sáıkes bilim, densaýlyq saqtaý, jumyspen qamtý, áleýmettik qamtamasyz etý, avtomobıl joldary, polısıa jáne ózge salalarda júıeli jumystar júrgizýde.

Atalǵan jumystarǵa arnaıy monıtorıńtik top ókilderi, «Jambyl – adaldyq alańy» jobalyq keńsesiniń músheleri, departament pen ákimdik qyzmetkerleri, zıaly qaýym ókilderi men qoǵamdyq pikir kóshbasshylary qatysýda.

Sonymen qatar agenttiktiń 1424 Call-center ortalyǵy turaqty túrde jumys isteýde. Aǵymdaǵy jyly aralyǵyna Call-center ortalyǵyna ár túrli quqyq buzýshylyqtar týraly 768 azamattyń ótinishi túsken, olardyń ishinde 30 Jambyl oblysynyń aýmaǵynda jasalynǵan zań buzýshylyqtarǵa qatysty, – dedi.

Jalpy, aýdanda Qazaqstan Respýblıkasy sybaılas jemqorlyqqa qarsy is-qımyl agenttiginiń Jambyl oblysy boıynsha departamentimen Qazaqstan Respýblıkasy Úkimetiniń 2015 jylǵy 30 jeltoqsandaǵy №1131 bekitilgen «Sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylda ózge de jolmen járdemdesetin adamdardy kótermeleý týraly qaǵıdasyna» sáıkes azamattarmen únemi túrde jumystar júrgizilýde.

Sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylǵa ózge de jolmen járdemdesken adamdarǵa, eger kináli adamǵa qatysty ákimshilik jaza qoldaný týraly sot qaýlysy nemese aıyptaý úkimi zańdy kúshine engen bolsa, birjolǵy aqshalaı syıaqy tólenedi.

Osylaısha, sybaılas jemqorlyq quqyq buzýshylyq faktisi týraly habarlaǵan – 18 adamǵa jalpy sommasy 2,5 mln. teńgege birjolǵy aqshalaı syıaqy túrinde kótermeleý tólengen. Barlyq tirkelgen sybaılas jemqorlyq quqyq buzýshylyq derekteri boıynsha, laýazymdy adamdar ár túrli qylmystyq jaýaptylyqtarǵa tartylǵan.