Jambyl oblysynda Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti jáne oblys ákimdiginiń bilim basqarmasy birlesip jastardyń boıynda sybaılas jemqorlyqqa tózbeýshilik ustanymyn qalyptastyrý baǵytynda jumystar júrgizýde. Atalǵan maqsatta aımaqta oblys ákimdiginiń bilim basqarmasy Sybaılas jemqorlyqqa qarsy is-qımyl agenttiginiń Jambyl oblysy boıynsha departamentimen birlesken «Jambyl oblysy ákimdigi bilim basqarmasynyń bilim berý mekemelerinde sybaılas jemqorlyqqa qarsy mádenıetti kóterýge baǵyttalǵan 2019-2020 oqý jylyna arnalǵan is-sharalar josparyn» bekitti. Josparǵa sáıkes óńirdegi 392 mektep pen 43 kolejde oqýshylar men stýdentter arasynda parasattylyqty, qaıyrymdylyqty, dostyq qarym-qatynasty qalyptastyrý, sybaılas jemqorlyqqa qarsy mádenıetin kóterý, bilim alýshylardyń quqyqtyq saýattylyǵyn arttyrý maqsatynda «Adal urpaq», «Sanaly urpaq» debat klýbtary quryldy. Klýbtar quramyna 15 437 oqýshy men stýdentter endi.
Sonymen qatar, «Adal urpaq» erikti mektep klýbtarynyń uıymdastarýymen 2019 jyly barlyǵy 187 is-sharalar ótkizilip, 42 135 oqýshy qamtylǵan. Bilim berý uıymdaryndaǵy «Parasatty azamat» buryshtarynda jastardyń boıynda patrıottyq, parasattylyq, jaýaptylyq qasıetterin damytý jáne sybaılas jemqorlyqqa qarsy mádenıetti qalyptastyrý týraly aqparattar turaqty túrde jańartylyp otyrady. Aǵymdaǵy jyldyń qarasha aıynda «Adal urpaq» eriktiler klýbynyń oblystyq sleti ótedi dep josparlanýda.
Oqýshylar men stýdentterdiń parasattylyǵyn, joǵary mádenıettiligin qalyptastyryp, damytý maqsatynda 8 ben 11 synyp oqýshylary men 1-2 kýrs stýdentteri arasynda «Sana parasattylyǵy – adal urpaq negizi» atty pikirsaıys týrnırleri ótkizilýde. Búgingi kúni mektepishilik kezeńge – 3417 oqýshy, aýdandar men kolejderde – 1896 oqýshy men stýdent qatysty. Pikirsaıys týrnıriniń oblystyq kezeńi qazan aıynyń aıaǵynda ótkiziledi.
Budan bólek, bilim alýshylardyń boıynda parasattylyq pen akademıalyq tazalyq prınsıpterin qalyptastyrý, adamgershilik-etıkalyq qundylyqardy boıyna sińirý maqsatynda 8-11 synyp oqýshylary arasynda «Parasatty bolashaq» atty esse jazý baıqaýynyń mektepishilik, aýdandyq kezeńderi ótip, olarǵa 2932 oqýshy qatysty. Oblystyq kezeńge qatysý úshin 112 jumys qabyldandy.
Ótkizilgen baıqaýlardyń jeńimpazdary men belsendi qatysýshylary parasattylyq «elshilerine» aınalǵan lektorlar pýlyn qalyptastyrdy. Olar erikti túrde qoǵamda sybaılas jemqorlyqqa qarsy mádenıetti, ádeptilikti damytýǵa baǵyttalǵan dárister, trenıńter ótkizedi.
