Jambyl oblysynda memlekettik qyzmet júıesin jáne sybaılas jemqorlyqqa qarsy is-qımyldy odan ári jetildirý jumystary júrgizilýde. Bul maqsatta Qazaqstan Respýblıkasynyń Sybaılas jemqorlyqqa qarsy is-qımyl agenttigi Jambyl oblysy boıynsha departamenti jemqorlyqpen kúresti kúsheıtýge jáne onyń aldyn alý tıimdiligin arttyrýda tabysty qyzmet etýde.
Departament ásirese jastardyń qazirgi ómirden óz ornyn tabýyna, óz boıyndaǵy tabıǵı daryny men adamı qabiletiniń ashyla túsýine kómektesýge basa nazar aýdarýda. Osy oraıda, jastarǵa adaldyq, ádildik, asyl qasıetterdi sińirýge jáne joǵary adamgershilik qasıetterdi ustanýlardy qalyptastyrý maqsatynda mektepterde «Adal urpaq» eriktiler klýby jáne joǵarǵy oqý oryndary men kolejderde «Sanaly urpaq» jobalyq keńseleri jumys jasaýda.
Atalǵan jobalar aıasynda Departament, «Jambyl – adaldyq alańy» jobalyq keńsesi jáne bilim basqarmasymen birlesip «Parasatty otbasy» baıqaýyn ótkizý týraly sheshim qabyldandy.
Baıqaýdyń maqsaty – qoǵamnyn negizin qalaıtyn otbasy qundylyqtaryn nasıhattaý, otbasy músheleriniń arasyndaǵy baýyrmaldyq, qaıyrymdylyq, dostyq qarym-qatynasty qalyptastyrý, zamanaýı jetistikterge laıyqty parasatty tulǵany damytý, ozat-oıly, parasatty, qaıyrymdy oqýshyny anyqtaýǵa baǵyttalǵan.
Baıqaýǵa Jambyl oblysynyń ártúrli qyzmet salasynda jumys isteıtin azamattary bar otbasylar qatysady. Baıqaý 2 kezeńnen turady. «Parasatty otbasy» baıqaýy aýdandyq, Taraz qalalyq bilim mekemelerinde ótkizilýde. Qazirgi tańda, baıqaýdyń mektepishilik, aýdandyq jáne qalalyq kezeńine 508 otbasy qatysty.
Baıqaýdyń oblystyq kezeńi 2019 jylǵy qazan aıynyń úshinshi onkúndiginde Taraz qalasyndaǵy Mektep olımpıadalaryn jáne mektepten tys is-sharalardy ótkizetin oblystyq ortalyqtyń bazasynda ótkiziledi.
Aǵymdaǵy jyldyń 7 qarashasynda ótkiziletin ekinshi oblystyq kezeńge aýdandar men Taraz qalasynda úzdik dep tanylǵan 29 otbasy qatysady.
Baıqaýdyń qazylar alqasy úzdik dep tanylǵan januıalardy «Parasatty otbasy», «Kóptildi otbasy», «Úzdik oqyrman otbasy», «Intellektýaldy otbasy», «Shyǵarmashyl otbasy», «Sheberler otbasy», «Ónerli otbasy», «Jomart otbasy», «Saıahatshy otbasy» nomınasıalary boıynsha anyqtaıdy. Jeńimpazdar İ, İİ jáne İİİ oryndar jáne baǵaly syılyqtarmen marapattalady.
