Nursultan Nazarbaevtyń fıtnes-gadjetindegi derekter týraly Elbasynyń baspasóz hatshysy Aıdos Úkibaev óziniń Twitter-tegi paraqshasynda jarıalady.
"Nursultan Nazarbaev úshin salaýatty ómir saltyn ustaný árqashan basymdyq bolǵan. Ázerbaıjan respýblıkasyna jasaǵan sapar aıasyndaǵy tyǵyz jumys kestesine qaramastan Kaspıı teńizi jaǵalaýynda 4 jarym shaqyrym jaıaý júrdi" delingen Úkibaevtyń jazbasynda.
Treker dereginshe, Nursultan Nazarbaev 4,5 shaqyrymdy 1 saǵat 16 mınýtta basyp ótken.
Aıdos Úkibaı osylaısha Elbasynyń densaýlyǵy nasharlap ketkeni, emdelý úshin únemi Germanıaǵa baryp júrgeni jaıyndaǵy qańqý sózge jaýap bergendeı boldy.
Elbasy 14-15 qazan kúnderi Ázerbaıjannyń astanasy Bakýde ótken túrki tildes memleketterdiń yntymaqtastyǵy keńesiniń 7-shi otyrysyna qatysty.
