Búgingi qaryshty damyǵan qoǵamda órkenıet kóshinen qalmaǵan elimiz barlyq salaǵa zamanaýı qondyrǵylardy jumyldyrýda. «Sıfrlyq Qazaqstan» jobasynyń da túpki maqsaty osy. Salalardyń jumysyn jeńildetip, tirligin tikteý. Adam ómirimen tikeleı baılanysty medısına men tótenshe jaǵdaılar qyzmetinde kóp jaǵdaıda avıasıa qyzmeti qoldanylyp jatady. Bul baǵyttaǵy jumystar Jambyl oblysynda da jolǵa qoıylǵan, dep jazady Qamshy.kz aqparat agenttigi.  Shynynda tótenshe jaǵdaılar salasyndaǵy eń úlken qurylymnyń biri – avıasıa qyzmeti. Jalpy osy qyzmet týraly ne bilemiz? Jáne bıylǵa avıasıa qyzmeti qanshalyqty qoldanyldy? Jambyl oblystyq Tótenshe jaǵdaılar departamentiniń bastyǵy Baǵdat Danılovtyń aıtýynsha, atalmysh qyzmettiń adam qutqarý salasynda kóp kómegi tıgen eken.

- Qazirgi tańda bizde «Qazavıaqutqarý» mekemesine qarasty bir «Eurocopter» tikushaǵy tur. Atalǵan mekemesiniń ortalyq bazasy Almaty qalasynda ornalasqanymen, ár óńirde bir-bir fılıaly jumys jasaýda. Bıyl avıasıa qyzmetin órt qaýipi naýqany kezinde 4-5 márte qoldandyq. Moıynqum aýdanynan bastap Sarysý eldi mekenine deıingi orman qory alqabyn baqylap shyqtyq. Odan bólek, elimizdiń Densaýlyq saqtaý mınstrligimen bekitilgen kelisimshart boıynda olar da naýqastardy bir jerden ekinshi jerge shuǵyl jetkizý kerek kezde suranys tastap tikushaqty paıdalanýda. Bir sózben aıtqanda atalǵan avıasıa qyzmetiniń oblysqa tıgizip jatqan paıdasy orasan, - deıdi Baǵdat Jumauly.

Shynynda da avıasıa qyzmetiniń keń kólemde qoldanylýy kóptegen apattardyń betin qaıtaratyny belgili. Ásirese órt qaýipi naýqany kezinde keń aýqymdy alyp jatqan Moıynqumnyń orman qory syndy aımaqtardy baqylaýǵa myńda-bir kómek. Jáne esterińizde bolsa 2003 jyly Jýaly aýdanynyń turǵyndary qar astynda qalǵanda dál osy avıasıa qyzmeti halyqqa azyq-túlik pen kerek-jaraqty jetkizgen bolatyn. Endi bıylǵy qystta bul qyzmettiń tıgizer paıdasy kóp bolǵaly tur. Al medısına salasynda avıasıa qyzmeti aýyr naýqastardy bir jerden ekinshi jerge shuǵyl jetkizýde keń qoldanylýda. Oǵan bizdiń kóz jetkizgen kezderimiz de bolǵan. Sondyqtan avıasıa qyzmetiniń jumysyna sáttilik tilep, qyraǵy qyzmeti júıeli bolysyn demekpiz.