Jambyl oblysy Tótenshe jaǵdaılar departamentiniń Órt sóndirý qyzmetinde jyl saıyn «19 qazan – Qazaqstan Respýblıkasynyń Qutqarýshylar kúni» kásibı merekesine oraı qyzmetkerlerdiń balalary arasynda sýret salýdan baıqaý uıymdastyrylyp keledi. Bul jolǵy baıqaýda «Mamandyǵy - qutqarýshy» taqyrybynda ótti, dep jazady Qamshy.kz aqparat agenttigi.
Baıqaý jarıalanǵan sátten bastap arada kóp ýaqyt ótpeı mekemege balalar tarapynan 15 týyndy kelip tústi. Ár týyndy ózinshe erekshelenetindigin atap ótken jón. Árkimniń ózderi salǵan sýretterine qarap, ózindik aıtaıyn degen oılaryn ańǵarýǵa bolady. Degenmen bizge málim bolǵany qaı bala bolmasyn ákesiniń atqaratyn qyzmetimen maqtanatyndyǵyn, tipti bolashaqta ákeleriniń jolyn qýyp, olar da órt sóndirýshi-qutqarýshy bolǵysy keletindikterin aıtpaı-aq túsinýge bolady.
Sonymen qatar, atalmysh baıqaýmen qatar poetıkalyq baıqaýdyń da uıymdastyrylyp ótkizilgendigin atap ótken jón. Al bul baıqaý «Qutqarýshylar qashan da qurmetke laıyq» dep ataldy. Atalǵan baıqaý túri boıynsha qyzmetkerler men olardyń balalary ózderiniń qyzmettiń mártebesin kóteretindeı deńgeıdegi shyǵarmalary men óleń joldaryn usyndy. Bul shara barysynda azamattyq qorǵaý salasy da talanttardan quralaqan emes ekendigin kórsetti. Baıqaý sońynda 8 óleń men esseler jınaqtaldy. Árbir týyndy ózindik maǵynaǵa tunyp turǵandyǵyn oqyǵan jan birden ańǵarady.
Mekemeniń oqý synybyna jınalǵan arnaıy qazy músheleri baıqaýdy qorytyndylady. Oblystyq TJ departamenti men Órt sóndirý mekemesinen quralǵan komısıa músheleri árbir týyndymen búge-shigesine deıin tolyq deńgeıde tanysyp, birinen bir ótetin týyndylarǵa tipti alǵashynda baǵa qandaı baǵa berýge bolatyndyǵyn bilmeı dal boldy. Degenmen qazy músheleri óleń shýmaqtaryn shyǵarǵan avtorlardyń erekshe bir mánermen aıtylǵan óleńderin óz aýyzdarynan yntamen tyńdady. Aıta ketken jón, shalǵaı aýdandardaǵy bólimshelerden kele almaǵan qyzmetkerler áleýmettik jeli arqyly ózderiniń óleńderin beınetaspaǵa túsirip joldaǵan bolatyn. Qazy músheleri belsene qatysqan qyzmetkerler men olardyń balalaryna alǵystaryn bildirip, tıisti baǵalaryn berýge kiristi.
Kóp uzamaı marapattaý rásimi de ótkizildi. «Mamandyǵy – qutqarý» sýret baıqaýy boıynsha İ oryndy Taraz qalasy №3 Órt sóndirý bólimi qyzmetkeriniń balasy Sharımhan Mansýr ıelendi. Al İİ oryndy Taraz qalasy №4 Órt sóndirý bólimi qyzmetkeriniń qyzy İńkár Káribaı jeńip aldy. Sondaı-aq Jýaly aýdany №7 Órt sóndirý bólimi qyzmetkeriniń uly Abdýazız Qadirbekke júldeli İİİ oryn buıyrdy. Al shyǵarmashylyq baıqaýda İ oryndy Shý aýdany, Shý qalasy №5 Ór sóndirý bóliminiń órt sóndirýshisi, azamattyq qorǵaý serjanty Esenaman Nádirbek jeńip aldy. İİ oryndy Taraz qalasy №2 mamandandyrylǵan órt sóndirý bóliminiń órt sóndirýshi-qutqarýshysy Nurǵazy Berdihanov ıelendi. Shý aýdany, Shý qalasy №5 órt sóndirý bóliminiń qaraýyl bastyǵy, azamattyq qorǵaý aǵa leıtenanty Asylhan Iýsýpov İİİ orynnan kórindi.
