Veterınarlyq qaýipsizdik - elimizdiń ulttyq qaýipsizdiginiń basty bóligi bolyp tabylatyndyǵy barshaǵa belgili. Asa qaýipti janýarlar aýrýynyń jappaı halyq arasynda taralýyna tosqaýyl qoıylmaı, ulttyq qaýipsizdikke qol jetkize almaıtynymyz anyq. Osy oraıda jambyldyq mamandar da óz mindetterin minsiz atqaryp, el damýyna súbeli úlesterin qosýda.

Mysaly, ótken jyly oblysta asa qaýipti juqpaly aýrýlardyń 16 oshaǵy, onyń ishinde: 6 qutyryq aýrýy, 7 qarasan aýrýy, 1 sibir jarasy, 1 epızootıalyq lımfangıt, 1 enterotoksemıa aýrýlary tirkelse, aǵymdaǵy jyldyń 9 aıynda asa qaýipti juqpaly aýrýlardyń 12 oshaǵy tirkelgen. Olar: 8 qarasan aýrýy, 2 qutyryq aýrýy, 4 enterotoksemıa aýrýy. Barlyq oshaqqa der kezinde veterınarıalyq is-sharalar júrgizilip, aýyl sharýashylyǵy maldary tolyq vaksınasıalanyp, zalalsyzdandyrý jumystary ýaqytyly oryndaldy. Shekteý nemese karantın is-sharalary toqtatylǵan.

-Áli de bolsa asa qaýpti aýrýlarmen kúresý jáne aldyn alý barysynda shyndyǵyn aıtýymyz kerek, kemshilikter kezdesip jatady. Atap aıtatyn bolsaq, josparly vaksınasıalaý barysynda emdelmegen aryq, býaz janýarlardy keıinnen qaıtadan barmaı emdelmeı ketýi múmkin, veterınarıalyq qujattardy toltyrýdaǵy, janýarlardyń qozǵalysyn baqylaýdaǵy, jeke jáne zańdy tulǵalar arasynda asa qaýipti juqpaly aýrýlar jáne , veterınarıa týraly Zańnyń 25 baby boıynsha janýarlar ıeleriniń jaýapkershiligi týraly túsindirý jumystarynyń júrgizý barysynda kemshilikter kezdesýde. Ásirese maldyń qozǵalysyn qatań baqylaýǵa alý úshin ishki ister qyzmetkerlerimen birigip jumys isteýimiz qajet. Osy atalǵan kemshilikterdi joıýǵa atsalysyp, bir jolǵa qoıýymyz kerek,-deıdi mamandar.

2018 jyly oblys boıynsha 9 oshaqta saýyqtyrý is-sharalary júrgizilse, bıyl oblys boıynsha 5 oshaqta saýyqtyrý is-sharalary júrgizilgen. Onyń ishinde 1 oshaqtaǵy saýyqtyrý jumystary 2018 jyldan aýysyp, 2019 jyly jalǵastyrylyp, shekteýler alyndy. 2019 jyldyń 4 oshaǵynan barlyǵy 5461 bas usaq maldardan, 30 bas múıizdi iri qaradan, 14 bas et qorektiden 2-4 retten qan alynyp, 18 bas usaq mal brýselezge oń nátıje kórsetip, sanıtarıalyq soıýǵa jiberildi, 5000 sharshy metr qora-jaılar zalalsyzdandyryldy.

Adamdardyń brýselezben aýyrýyn epıdemıologıalyq turǵydan taldaý barysynda 2017 jyly 212 adam, 2018 jyly 200 adam aýyryp tirkelse, 2019 jyldyń 9 aıynda 147 adam aýyryp, aýrýdyń juǵýy tómendeýde.