Elbasy N.Nazarbaevtyń buqaralyq sportty damytý týraly tapsyrmasynan keıin bul baǵyttaǵy jumystardyń jandana túskendigin eshkim de joqqa shyǵara almaıdy. Sonyń nátıjesinde jer-jerde jańa nysandar salynyp, ártúrli deńgeıdegi jarystardyń da qatary artty. Bul turǵyda Jambyl oblysyndaǵy Jýaly aýdanynda da maqtaýǵa turarlyq tirlikter kóptep atqarylýda.

2019 jyldyń 7 aıynyń qorytyndysy boıynsha atalmysh aýdanda dene shynyqtyrý jáne sportpen júıeli túrde shuǵyldanýshylar sany 15547 adamdy qurady. Bul jalpy halyqtan 29,6 paıyzy degen sóz.

Aýdan ákimdigi deneshynyqtyrý jáne sport bólimine baǵynysty sport mektepterinde 2019 jyldyń 1 shildesine 1548 shuǵyldanýshy oqýshylar tirkeldi. Bul Jýaly aýdany boıynsha jalpy 7-18 jas aralyǵyndaǵy balalardyń 15,0 paıyzdy qurap otyr.

Sonymen qatar Jýaly aýdany boıynsha 112 sport nysany anyqtaldy. Onyń ishinde 1 stadıon, 1 sport kesheni, 38 sport zal, 11 fýtbol alańy, 61 sport alańshasy bar. Aǵymdaǵy jyldyń ekinshi toqsanynda Kókbastaý, Kúreńbel, Qyzylaryq aýyldyq okrýgterinde «Street Workout» alańshalary paıdalanýǵa berildi. Sondaı-aq 2020 jyly oblystyq búdjet esebinen 130 000,0 myń teńgege B. Momyshuly aýylynda sport keshenin salý, Káriqorǵan aýylyndaǵy sport zal 62 000,0 myń teńgege jáne Qaırat aýylyndaǵy sport zal 46 000,0 myń teńgege qaıta jańǵyrtylady dep kútilýde.

Sport nysandarynyń barlyǵy aýyl turǵyndaryna sportpen aınalysýy úshin qoljetimdi. Sport nysandarynyń aýyl turǵyndaryna qoljetimdiligin qamtamasyz etý kestesi ázirlenip, aýdandyq buqaralyq aqparat quraldarynda jarıalanǵan.

Aıta ketý kerek, aǵymdaǵy jyly buqaralyq, ulttyq sportty damytýǵa jáne oblystyq jarystarǵa aýdan komandalaryn qatystyrý úshin 13,200 myń teńge bólinip, ıgerilýde. Jalpy, aýdandaǵy 2 balalar-jasóspirimder sport mektebi men 1 boks mektebinde barlyǵy 97 adam qyzmet etedi. Onyń ishinde 44 jattyqtyrýshy bar. Aýdandaǵy 14 aýyldyq okrýgte sport jónindegi ádisker-nusqaýshy jumys istep, buqaralyq sporttyń damýyna óz úlesterin qosýda.

Jalpy aýdan boıynsha 2018 jyldyń aıaǵynda jalpy bilim berý mekemelerinde barlyǵy 135 dene shynyqtyrý salasynyń muǵalimderi tirkelse, onyń 7-i áıel adamdary, kásibı tehnıkalyq mekteptiń muǵalimderi 3 adam.

Aýdan boıynsha jalpy bilim berý mekemelerinde 7 sport túri boıynsha 211 úıirmeler jumys isteıdi. Bul úıirmelerge 6969 oqýshy qamtylǵan.