Astanada qurylys jumystary júrip jatqan ǵımarattardyń birinen, 20 metrlik bıiktiktegi aspaly satydan 3 birdeı qyzmetker qulap, qaza tapqan. Bul týraly «Qamshy» portaly IA NewTimes.kz-ke silteme jasaı otyryp habarlaıdy.
Qaıǵyly oqıǵa Astana qalasy, Turan kóshesindegi «Kópfýnksıonaldy muz aıdyny» ǵımaratynda oryn alǵan. Bul týraly Astana qalasy TJB baspasóz-qyzmeti habarlaǵan.
«Jańa salynyp jatqan «Kópfýnksıonaldy Astana muz aıdyny» ǵımarattyń 20 metrlik bıiktiginde montajdaý jumystaryn júrgizip júrgen 6 qurylysshy jipke asylyp qalǵan. Olar «Mabco Construction S.A» fırmasynyń Astanadaǵy fılıaly qyzmetkerleri bolǵan. Qurylysshylardyń qulaýyna qolaısyz aýa-raıy sebep bolǵan. Saldarynan 3 azamat óte aýyr jaraqat alyp, jan saqtaý bólimine jetkizilse, 3 azamat oqıǵa ornynda qaza tapqan»,-deıdi TJB málimdemesinde.
Keıbir derekkózderine súıensek, qaza tapqandardyń úsheýi de de Kosovo Respýblıkasynyń azamattary. Qazirgi tańda olardyń azamattyǵy týraly málimetter naqtylanǵan jáne olar №2- qalalyq aýrýhanaǵa jetkizilgen.
Qaza tapqandar:
1. Blerın Kadrıý 1981 jyly týǵan,
2. Bekım Dýrmısh – málimet anyqtalýda,
3. Azıattyq keıiptegi er adam, mólshermen jasy 40-45 jas.
Aýrýhanaǵa jetkizilgender:
1. Avjı Maksýtı 1979 jyly týǵan,
2. Bıkolı Isýf 1956 jyly týǵan,
3. 35-40 jastaǵy er adam, málimetteri anyqtalýda.
Nurzat Toǵjan
«Qamshy» silteıdi
