Memleket basshysy Qasym-Jomart Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda shaǵyn jáne orta kásipkerlikti damytý máselesine aıryqsha toqtalǵan bolatyn. Bul turǵyda 2010 jyldan beri júzege asyrylyp kele jatqan «Bıznestiń jol kartasy-2020» baǵdarlamasynyń tıgizipi jatqan kómegi kóp.

Baǵdarlama iske asa bastaǵan kezeńnen beri qaraı «Damý» kásipkerlikti damytý qory arqyly 800-den astam jambyldyq kásipkerge qoldaý kórsetilgen. Onyń ishinde sýbsıdıalaý quraly boıynsha 2010 jyldan bastap 2019 jyldyń birinshi jartyjyldyǵyn qosa alǵanda jalpy nesıe somasy 100 mıllıard 400 mıllıon teńgeni quraıtyn barlyǵy 889 joba sýbsıdıalanǵan. Al osy jobalar boıynsha «Damý» Qory tarapynan sýbsıdıa retinde tólengen qarjynyń kólemi 9 mıllıard teńgeni qurap otyr. Al, aǵymdaǵy jyldyń birinshi jartylyǵynda jalpy nesıe somasy 3,4 mıllıard teńgeni quraıtyn 73 joba sýbsıdıalanyp, olar boıynsha 529 mıllıon teńgeden astam qarjy sýbsıdıa retinde tólendi.

Kepildendirý quraly boıynsha: Jalpy, 2010 jyldan beri osy kúnge deıin barlyǵy 369 joba boıynsha Damý Qory tarapynan kepildendirildi, bul oblysymyzdyń kásipkerlerine jalpy alǵanda 11 mıllıard 900 mıllıon teńge nesıe alýlaryna múmkindik berdi, bul rette Damý Qorynyń bergen kepildikteriniń jalpy somasy 4,3 mıllıard teńgeni qurady.

Onyń ishinde, aǵymdaǵy jyldyń alty aıynda jalpy nesıe somasy 1 mıllıard 447 mıllıon teńgeni quraıtyn 40 kepildendirý shartyna qol qoıyldy, onda «Damý» Qory shyǵarǵan kepildikterdiń jalpy somasy 435,6 mllıon teńgeni qurap otyr.

Al qarjylaı emes qoldaý quraly boıynsha 2013 jyly konsýltasıalyq qyzmetterdi kórsetý úshin Damý Qory janynan Kásipkerlikti qoldaý ortalyǵy ashyldy. Ortalyqtyń jumysy Damý Qorynyń baǵdarlamalaryn ǵana emes, sonymen qatar «Báıterek» ulttyq basqarýshy holdıńiniń enshiles uıymdarynyń da memlekettik qoldaý quraldary boıynsha keńes berý bolyp tabylady.

Osylaısha, Ortalyq ashylǵanynan beri kásipkerlerge jáne kásipkerlik áleýeti bar halyqqa 21 myńnan astam keńes berilip, onyń 1000-nan astamy aǵymdaǵy jyly oryn aldy.

Osylaısha ortalyq ońdy isterge uıytqy bolýda.