Eki qolǵa bir kúrek taýyp, eńbek etip júrgen kez-kelgen jan jalaqynyń turaqty ári merziminde tólengeni qup kóredi. Al kásiporynnyń jumyskerler aldyndaǵy qaryzynyń qordalanyp qalýy, bul jaǵdaıda jergilikti bıliktiń áreketsizdigi kópshiliktiń narazylyǵyn týyndatýdyń bir-birden sebebi sanalady. Osy oraıda oblys ákimdiginiń eńbek ınspeksıasy basqarmasynyń aralasýymen aǵymdaǵy jyldyń basynan beri óńirdegi birqatar kásiporyndardyń jumysshylar aldyndaǵy jalaqy qaryzdary óteldi, dep jazady Qamshy.kz aqparat agenttigi. 

Kúni búginge deıin óńirdegi 19 kásiporyndaǵy 4713 jumysker aldyndaǵy 730 mıllıon 1 myń teńge kólemindegi jalaqy qaryzdary tolyǵymen óndirilip berildi.

–Mundaǵy 1350 jumysker aldyndaǵy 160 mıllıon 500 myń teńge aǵymdaǵy qaryzdar bolsa, 3160 jumysker aldyndaǵy 233 mıllıon 900 myń teńge merzimi ótken qaryzdarǵa jatady. Sondaı-aq, 203 jumysker aldyndaǵy 335 mıllıon 700 myń teńge ońaltý rásimi qoldanylǵan jáne bankrotqa usharyǵan kásiporyndardyń qaryzdaryna jatady.

Búgingi kúnge óńirdegi jalaqy qaryzdarynyń jalpy kólemi 144 jumysker aldynda 22 mıllıon teńgeni quraıdy. Ol Talas aýdanyndaǵy «Jambyl Nedr» jaýapkershiligi shekteýli seriktestigine úlesine tıesili.

Aǵymdaǵy jyldyń qyrkúıek aıynda basqarma mamandarymen, ózgede múdelli mekemelerdiń qatysýymen ótkizilgen profılaktıkalyq baqylaý barysynda «Jambyl Nedr» jaýapkershiligi shekteýli seriktestigindegi jalaqy qaryzynyń jalpy somasy 60 mıllıon 100 myń teńge ekendigi anyqtaldy. Der shaǵynda qabyldanǵan sharalar nátıjesinde kásiporyn jumysshylary aldyndaǵy qaryzynyń 38 mıllıon 100 myń teńgesi óndirildi.

Kásiporynnyń quryltaıshylarymen júrgizilgen kelissózderdiń jalaqy qaryzdaryn tóleý kestesi bekitilip, qazirgi ýaqytta kestege sáıkes tólemder júrgizilýde, –oblys ákimdigi eńbek ınspeksıasy basqarmasynyń basshysy Balabek Narbekov.

Aǵymdaǵy jyldyń 9 aıdyń ózinde basqarmaǵa 780 aryz tirkelip, 1602 jumyskerdiń quqyǵ qorǵaldy. Nátıjesinede 135 mıllıon 200 myń teńge kólemindegi jalaqy boıynsha bershekter, 262 myń teńge kólemindegi issapar shyǵyndary men 866 myń teńge kólemindegi ústeme aqy, ótemaqy, qosa atqarǵan qyzmetine qosymsha aqylary óndirilip berildi.