"26 qazan kúni áskerı bólimniń feldsheri áskerı qyzmetshini aýyr jaǵdaıda oblystyq aýrýhanaǵa jetkizdi. Klınıkalyq-zerthanalyq tekseristerdiń jáne salalyq mamandardyń konsýltasıalarynan keıin naýqasqa «menıngokok ınfeksıasynyń kúrt asqynatyn túri» aldyn ala dıagnozy qoıyldy. Naýqas jansaqtaý bólimine jatqyzyldy. Júrgizilgen ıntensıvti terapıaǵa qaramastan, ol 5 saǵattan keıin qaıtys boldy", – delingen oblystyq Densaýlyq saqtaý basqarmasy taratqan málimdemede.

Aldyna ala málimet boıynsha, sarbaz medısınalyq qyzmetke 26 qazan kúni júgingen. Ol áskerı bólimge 16 qazan kúni kelgen.

«Densaýlyq saqtaý basqarmasy oqıǵanyń anyq-qanyǵyn tekserý úshin komısıa qurdy. 27 qazan kúni áskerı bólimde epıdemıaǵa qarsy, aldyn alý sharalary ótkizildi – naýqaspen qarym-qatynasta bolǵandardyń barlyǵyn dáriger qarap shyqty, antıbıotıkoprofılaktıka bastaldy. Baılanysta bolǵandardyń arasynda menıngokok ınfeksıasyn juqtyrý belgileri bar tulǵalar anyqtalǵan joq. Medısınalyq baqylaý jalǵasýda", – dep habarlady Atyraý oblystyq Densaýlyq saqtaý basqarmasy.