«Astana EKSPO-2017» Ulttyq kompanıasynyń eks-tóraǵasy Talǵat Ermeıaev búkilálemdik kórmege bólingen qarjyny jymqyrdy degen kúdikpen qamaýǵa alynǵan bolatyn. Ermegıaev isine qatysty tergeý jumystarynyń alǵashqy málimetteri paıda boldy. Bul týraly QR memlekettik qyzmet jáne sybaılas jemqorlyqpen kúres agenttiginiń apparat jetekshisi Aıgúl Shaımova málimdegen. Bul týraly «Qamshy» portaly kazpravda.kz - ke silteme jasaıdy.

Tergeý jumystarynyń qorytyndysy boıynsha «Astana EKSPO-2017» Ulttyq kompanıasynyń eks-tóraǵasy Talǵat Ermeıaev EKSPO kórmesiniń jumystaryna bólingen  4 mlrd. 200 mln. teńgeni jymqyrǵan. 

«Qazirgi tańda Talǵat Amangeldiuly  kompanıanyń burynǵy qyzmetkerlerimen birge, affılıırlengen tulǵalar, jalǵan merdiger kompanıalar jetekshileri – asa iri kólemde búdjet qarjysyn qoldy qylǵan degen kúdikpen ustalǵan bolatyn. Qazirgi kúnde tergeý qorytyndylary naqtylandy. EKSPO-2017 kompanıasynyń eks-tóraǵasy Talǵat Ermegıaev jymqyrylǵan qarjynyń esebinen qolma-qol– 4 mlrd. 200 mln. teńge syıaqy alǵan. Atalmysh iske qatysy bar degen kúdikpen taǵy 10 adam tergeýge alynǵan.Olardyń barlyǵy qazir úı qamaǵyna alyndy»,-deıdi Aıgúl Shaımova.
Esterińizge sala keteıik, 13 maýsym kúni № 2 Astana qalasyndaǵy Almaty aýdandyq sotynyń sheshimimen Ermegıaev tutqyndalǵan. Keıin tergeý jumystary qorytyndysy shyqqanǵa deıin úı qamaǵyna jiberilgen. Sonymen qatar, "Astana Ekspo-2017" qurylysy departamentiniń eks-dırektory Qajymurat Úsenov te qylmystyq iske qatysy bar degen kúdikpen úı qamaǵyna alynǵan bolatyn.

Nurzat Toǵjan