Qazaqstanda jaqynda memlekettik organ ǵımarattarynda memlekettik qyzmetshilerge smartfon paıdalanýǵa ruqsat berilýi múmkin, dep habarlaıdy Today.kz. Bul týraly QR Sıfrlyq damý, ınovasıalar jáne aeroǵarysh ónerkásibi vıse-mınıstri Abylaıhan Ospanov aıtty.
"Mendegi aqparat boıynsha atalǵan qaýly Úkimetke engizilgen, jaqyn arada ol jaıynda jarıalanatyn bolady. Barlyq ókiletti organdarda kelisýden ótti, osydan keıin ol Úkimet otyrysynyń qaraýyna shyǵarylady. Bıylǵy qarasha aıynda tıisti sheshim bolady dep úmittenemiz. Bul turǵyda smartfondardy eshbir shekteýsiz barlyq memlekettik qyzmetshilerge qaıtarý máselesi eskerilgen", – dedi vıse-mınıstr Senatta tilshiler saýalyna jaýap bere otyryp.
Onyń aıtýynsha, kez kelgen memlekettik qyzmetshide óz qyzmet ornynda alǵan aqparatqa qatysty jaýapkershiligi bar. Aqparatty negizsiz taratqany úshin qyzmetshi zańnamaǵa sáıkes jaýapty bolady.
Pikir qaldyrý