Oblysta jyl basynan bergi 9 aıda negizgi kapıtalǵa salynǵan ınvestısıa kólemi 205 mıllıard 900 mıllıon teńgeni qurap, ótken jyldyń esepti kezeńimen salystyrǵanda aımaqqa tartylǵan ınvestısıa kólemi 17,3 paıyzǵa artqan, dep jazady Qamshy.kz aqparat agenttigi. 

Sońǵy jyldary agrarly ári ındýstrıalyq aımaq atanýǵa kóptep kóńil aýdarǵan Áýlıeata óńirinde óndiriske ınvestısıa tartý isine myqtap qolǵa alynǵan. Sonyń esebinen jyl basynan beri jambyldyq kásiporyndarmen 349 mıllıard 900 mıllıon teńgeniń ónimin óndirilgen. Ónimniń bul kólemi 2018 jyldyń esepti kezeńindegi jaǵdaımen salystyrǵanda 5,7 paıyzǵa arta túskenin ańǵartady.

– Onyń ishinde ken óndirý ónerkásibi boıynsha 39,8 mıllıon teńge ónim óndirilip, byltyrǵy jyldaǵydan 2,8 paıyz ósken. Óńdeý ónerkásibi boıynsha 262,7 mıllıard teńgege ónim óndirilip, byltyrǵy osy esepti kezeńniń kóleminen 7 paıyzǵa artyq, — dedi brıfıńte J.Sarıev.

Eki aıdan keıin Údemeli ındýstrıalyq ınovasıalyq damý memlekettik baǵdarlamasynyń ekinshi besjyldyǵy óz máresine jetpek. Bul baǵdarlama aıasynda da aımaq ekonomıkasyna, ásirese, ındýstrıalandyrýǵa kóp qarjy salyndy. 2015-2019 jyldarǵa arnalǵan osy atalǵan memlekettik baǵdarlama boıynsha oblystaǵy Kásipkerlikti qoldaý kartasyna jalpy quny 603,5 mıllıard teńgeni quraıtyn 50 ınvestısıalyq joba engizilgen. Kartaǵa engen bul jobalardyń barlyǵy derlik iske asqan kúnde óńirde 6758 adam jumyspen qamtylý josparlanǵan eken. Osy jobalardyń ishinen ázirge 55,5 mıllıard teńgeni quraıtyn 33 joba iske asyrylýda. Olar boıynsha 2230 jumys orny ashylmaq.

Sondaı-aq, basqarma basshysynyń aıtýynsha, bıylǵy toǵyz aıda oblysta jumys istep turǵan shaǵyn jáne orta bıznes sýbektileriniń qataryna 7688 sýbekt qosylyp, jalpy sany 70534-ke jetipti.

Kásipkerlik qoldaý bolǵan ortada ǵana keń qanat jaıatynyn eskersek óńirdegi bıznes sektordy damytýda memlekettik baǵdarlamalardyń múmkindigi molynan paıdalanyp jatyr. Ásirese jambyldyq kásipkerler Tuńǵysh-Prezıdent–Elbasynyń bastamasymen 2025 jylǵa deıin jalǵasqan «Bıznestiń jol kartasy» memlekettik baǵdarlamasynyń sharapatyn aıqyn sezinip jatyr. Odan bólek nesıeniń paıyzdyq mólsherlemesi sýbsıdıalaý, kepilzatpen kómek kórsetý sharalary da bıznes ókilderi úshn kásibin órge domalatýǵa ońtaıly jaǵdaı jasap otyr.